تواصل وعربون عذر عن الغياب تحياتي لقلوبكم البضاء



هنا رابط الصوت
http://up.ftahilah.com/up//uploads/0061be66cf.mp3





ماني برايق قولها واختـصرها=سـوالفك ياسائلي سرمديه
يازين لـوتسكت وانــا بـعتبرها=جــمــالـةٍ والامــثابة هديه
السالـفه بـطـنـه يـشابه ظـهـرها=وانا كثيرالهرج ماني خويه
كم من علومٍ عارفٍ وش خـبـرها=اجـنـبـه لـوهـي بـظـنك ثريه
والرجل لاصاد العـلـوم ونـشرها=يـقـل قـدره لـويـديـنه سخيه
واهل النمايم خاطري يــحـتـقرها=ياجعل منفاهم ورى الجاذبيه
ترحل ويطويها التعب في سـفرها=تموت مجهولةعروق و هويه
والاالكـرام الـلـي كـرمها شـهرها=الـلـي سـوالفـهم ســلام وتحيه
ياعـلـهـا تقطف بعـمـره زهــرها=وتـعـيـش بالـدنـيـا هنيه رضيه
قلي يابوصـالـح وانـا منـتتظرها=وانت الـذي شـورك يـحـل القـضيه
وش حيلة اللي كل طـرقه سـبرها=والـيـوم عـوّد لارفــيــق ومــطيه
عوّل عـلـى ناسٍ زمانه فـطـرها=عـلـى الـحـسـد والحقد والـعـنجيه
اهل الـدسـايس وقـتها ماشـكرها=بالكذب غارت فـوق سـرج العبيه
حـدن علـيـهم يالـسنـافي دهــرها=والا انــا مــانــي بــراعــي رديه
قلته وعن سرد الحدث بختصرها=قــبـل الـنـوايـا تـنـتـهي نرجسيه

الشاعر الكبير سعيّد العمودي
عودا محمودا إن شاء الله فقد اشتقنا لحرفك الجميل
فأتحفتنا بهذه الدرة النادرة وهذا ليس غريبا على
شاعر سامق مثلك
دمت بألف خير ولاحرمنا الله من جميل حرفك

سعيّد العمودي ..

مرحبا ملايين .. نوّر المنتدى بعودتك ..

اتحفتنا بهذه الرائعة ..

نص طاغي بالجمال والعذوبة ...


لله درك ..

خالص الود ..

ابو حمدان يالله انها اتحييك وياميه هلا - وش ذا الغياب المفزع -
اطلاله رائعه وقصيده جزله بكل تفاصيلها لايتقن نسج ابياتها بهذه البراعه الفذه الا المتمكّن مثلك يابو حمدان -

الشاعر القدير

سعيّد العمودي

لله درك

صح لسانك

جزل بكل المقاييس

استمتعت هنا جدا

تحياتي