يارجـل لاتنسـى حقـوق الرفاقـة=وعلى حقوق الربع لاتبدي القـرش

فبيوتهـم تلقـى الكـرم واللبـاقـة=وتاكل عيال اللي عراقيبهـا حـرش

وتعطيك أهلها من التراحيـب باقـة=مجالـس مكسيـة بأفخـم الفـرش

غناتك بربعـك ولـو مـاش فاقـة=تسوى ملايين الرعايا من الطـرش

وإلا غنـاة المـال هـي الحمـاقـة=لو تنفـخ العلبـاه وتكبـر الكـرش

ترى ماهي دايـم فـروح ورواقـة=دنيا تذل الذيـب وتنـوخ الهـرش

لو بينها وبينـك ضبطـت العلاقـة=وبنت لك من الحلم فوق البحر عرش

مـن طبعهـا ماتخلـي الاصطفاقـة=اما اخرشت ناس لهم ثقلهم خرش

تخلي يدين اللـي عشقهـا عشاقه=وتغني يدين اللي قبل رابح شـرش

مادام تحمل باسـم ربعـك بطاقـة=على حقوق الربع لاتبـدي القـرش
الشاعر لافي الغيداني

تــرى مـاهـي دايــم فــروح ورواقـــة
دنـيـا تــذل الـذيـب وتـنـوخ الـهــرش
لــو بينـهـا وبيـنـك ضبـطـت العـلاقـة
وبنت لك من الحلم فوق البحر عرش
مــن طبـعـهـا ماتـخـلـي الاصطـفـاقـة
اما اخرشت نـاس لهـم ثقلهـم خـرش
تخلـي يـديـن الـلـي عشقـهـا عشـاقـه
وتغني يديـن اللـي قبـل رابـح شـرش
مــادام تحـمـل بـاسـم ربـعـك بـطـاقـة
علـى حقـوق الربـع لاتـبـدي الـقـرش

قصيد رائعه جدا ..ابيات فاخره وماطره قوه ورقي
صح الله لسان قايها ولسان ناقلها
ذائقه مميزه للغايه كل الشكر لك اخي القدير عبد الله سلطان الحريري
أحترامي وتقديري

أبو نعمة مليون شكر على القصيدة الرائع ..
للشاعر العملاق /لافي الغيداني ..

صح السانك ياعبدالله وصح ذوقك وشعرك ولايهون الغيداني