الملهم



ياسلامي على اهل المنتدى واقول = كلمة الحق مربوعه ومثنيه
مالحكم قصور ولكن المامول= تذكر الحسنه وينهى عن السيه

المذهل

مرحبا فيك وانته شاعرن مجهول = لاتصفي حساباتك برديه
العلوم الرديه بابها مقفول = والعلوم الثمينه نارها حيه

اعتذر من

اخواني الملهم والمذهل

حذفت بطريق الخطأ مني أنا

ومن حسن الحظ كنت احفظ أبياتكم

وهذا دليل على جزالتها

والمشكلة الحذف جذري لم أجد لها الاثر

اكملوا وأنا بالصف

البقا فيك وانته شاعرن مقبول = مذهل ومدر ك الروحة مع الجية
أنت صادق ولكن من هو المسئول = عن حقايق كبار تكبر الهية

انت فكرك من احداث الزمن مشغول=استمع للنصيحه واركد اشويه
والله ان الكلام اللي بلا مدلول=يسكن الذاكره بحروف منسيّه

يعطيكم العافيه متاااااااااااابعين

يعطيكم العافية متابعين

القضية كبيرة والشهود عدول = وانته ازريت ياشيخ الحونشية
ماتعامل معك بالحاسب المحمول = لين تظهر بياناتك حقيقية

القضيـه لـهـا عـلـم وخـبـر واحـلـول=والـرعـيـه لـهــا راعـــي ومـرعـيــه
وانت غارق وفي بحر الدجى مذهول=غـاب لحـظ العـيـون وشـانـت النـيـه

انت تكتب وتنظر بالعيون الحول= لين ذوقتك المسمار والكية
ماانت قد الزكاة ولا لحقت الحول= وانت جالس مابين الشمس والفية

اضحكوا ياعباد الله على المهبول= قام يرقص طرب من لدغت الحيه
لاتسلّم علي بكفك المشلول= والصراحه نهاياتك على ايديّه

ماعليكم من اللي زمرو بطبول
منتداكم نجح ميه على ميه
واخيرا اشكرك على هذه الطاروق الجميل واعذرني ان كان هناك زله اونحوها .وبالتوفبق........

http://farm3.static.flickr.com/2291/2458335567_35ab8c33b1_o.gif (http://www.bibo4pc.com/)
وانت مشكور يالغالي - واعذرنا طال عمرك على بعض التجاوزات - وشهادتك للمنتدى عزيزة جدا على قلوبنا -
http://farm3.static.flickr.com/2291/2458335567_35ab8c33b1_o.gif (http://www.bibo4pc.com/)