*







نشـدت عنـك نجـوم نجـد ونسيمـه=ومن ساطع القمراء تحريـت الاخبـار

ونشدت عنك مع السمـاء كـل ديمـه=ورحت استشف العلم من همس الازهار

ومريـت بطـلال القصـور القديمـه=اللي بها سجلـت انـا وانـت تذكـار

انـشـد وادور والاجـابـه عديـمـه=لاصـوت جاوبنـي ولا دار ديــار

ورجعـت ازايـم عبرتـي والهزيمـه=مكسور خاطر بالـغ الحـزن منهـار

ضاق الفضاء واصبح بعينـي خريمـه=ماشـوف لـي معهـا بليـاك معبـار

ويـن انـت ياتـوم الحيـاة اليتيمـه=فوق الثـرى ولاعليـك الثـرى ثـار

كان انت حي وفـي ظـروف سليمـه=عزالله انك جرت يـوم الزمـن جـار

ماتدري ان الهجـر ظلـم و جريمـه=وان الجفاء في حق راع الوفـاء عـار

وكان انت ميـت فالمصيبـه عظيمـه=الدمع مايكفـي ولـو صـب مـدرار

ياللشـقـاء ياللقـهـر والهضـيـمـه=ياللعذاب اللـي بـداء معـي مشـوار

تصبـح حياتـي كلهـا دون قيـمـه=ونور الامل في ناضري ينقلـب نـار









للشاعر المتميز والقدير خضير البراق العتيبي

بارك الله فيك أبو ياسر


انتقاء أكثر من رائع


لاعدمنا حضورك المميز

هلا وغلا ابو سلطان والله وافي الله يطول عمرك

تقبل خالص الشكر على هذا الموضوع الجميـــــــل

جزيل الشكر اخي الفاضل

على الانتقاء والنقل الرائع

دمت بالف خير

هلا وغلا والف شكر لكم