ALHARERE
12-16-09, 09:23 PM
أنا رفيقي ماسمـع اللـي حكابـه=لو جاتني منه السوالف مضاريـع
اقرا مفاهيمـه واحسـب حسابـه=واشوف مدخال القـدم والمطاليـع
ماني عجول ٍ بالزعل فـي غيابـه=قدّام ماسمع منه مااعطي ولا ابيـع
لاخيـر فـي رفقـه بليـا حبابـه=ولاخير في جمع القلوب المواجيـع
رفيقـك الغالـي تحمّـل عتـابـه=واحلم عليـه ليـا دفعتـه دوافيـع
شيِـع ثنـاه ولاتبـيـن عيـابـه=عاره يعـورك يابعيـد المراميـع
خله على بعـدك يسـرح ركابـه=يقضي سنه ولا شهـور ٍ واسابيـع
وليـا طلبـك الصلـح يامرحبابـه=سهل طريقـه لا يجيلـه موانيـع
واحفظ لسانك عنه واستـر جنابـه=لاتجرحه بين الذيـاب المجاويـع
ترى اللسـان ملكـع ٍ يندعـا بـه=مثل الحصان اللي يبي له مصاريع
واجعل على هرج ٍ تقولـه رقابـه=عقل ٍ يصرف طايشات المواضيـع
والصمت في بعض المجالس مهابه=يكفيك شر اهـل الفمـي اللواسيـع
عن كلمة يقضب خطاهـا قضابـه=يركض عليه مصنع الهرج تصنيع
خله يروح ومنـك خـال ٍ جرابـه=يرجع كما المفلس بسوق المطاميـع
واحفظ صداقـة طيبيـن القرابـه=ربعك ليا قلـت عليـك المشاريـع
سيف ٍ نهار الضيق تقضب نصابه=ياقاك من حدب السيوف البواتيـع
ولا جفـاك الـدار مالـك ومابـه=رزقك على اللي طوع الكون تطويع
مقعدك في حزم ٍ تطـارد سرابـه=اخير من شوف الوجيـه المدانيـع
خطو الرخوم مصاحبيـن الخيابـه=تجار هـرج وباللـوازم كراسيـع
الرجل مثل الذيـب رزقـه نهابـه=ياخذ مع الدو الخـلاوي قراطيـع
والطيب ضلع زاميـات ٍ هضابـه=للريح في شامخ ركونـه ذعاذيـع
عسر المراقي يتعب اللـي رقابـه=ماياكره كـود الحـرار القواطيـع
والا الردى جرف ٍ هيـال ٍ ترابـه=حوله لزهـران المقافـي مرابيـع
يرقد به الحصني ويلقى الذرى به=والبوم بين غصون قشعـه مواقيـع
رجل على الناموس بيـض ٍ ثيابـه=ورجل ٍ يرقعها على المتن ترقيـع
ورجل يزايم علتـه مـن عذابـه=عيـدان نـاره للقريـب مواليـع
على ربوعـه كـل يـوم ٍ طلابـه=خمـاش وجـه ولالقيبـه منافيـع
ورجل ٍ مـع الايـام ماينصخابـه=عون الرفيق ليا صفعت الصوافيـع
غيث ٍ على من جاه يمطر سحابـه=عشبه على روس النوابي مفاقيـع
ورجل ٍ كما ليث ٍ عطيب ٍ صوابـه=من دون حقه سنع الخصم تسنيـع
طيب وعصمان الشـوارب تهابـه=يرجى وتخشاه الرجال الصعاصيع
ومن لادرى بالناس ماحد ٍ درى به=ماله على سجـل النشامـا تواقيـع
ومن لايحوش النعم فـاول شبابـه=في شيبته يحسب حساب المراضيع
وختامها ذكـر النبـي والصحابـه=واستغفر اللي مايضيع ولا يضيـع للمرحوم الشاعر الكبير مفرح الضمني
اقرا مفاهيمـه واحسـب حسابـه=واشوف مدخال القـدم والمطاليـع
ماني عجول ٍ بالزعل فـي غيابـه=قدّام ماسمع منه مااعطي ولا ابيـع
لاخيـر فـي رفقـه بليـا حبابـه=ولاخير في جمع القلوب المواجيـع
رفيقـك الغالـي تحمّـل عتـابـه=واحلم عليـه ليـا دفعتـه دوافيـع
شيِـع ثنـاه ولاتبـيـن عيـابـه=عاره يعـورك يابعيـد المراميـع
خله على بعـدك يسـرح ركابـه=يقضي سنه ولا شهـور ٍ واسابيـع
وليـا طلبـك الصلـح يامرحبابـه=سهل طريقـه لا يجيلـه موانيـع
واحفظ لسانك عنه واستـر جنابـه=لاتجرحه بين الذيـاب المجاويـع
ترى اللسـان ملكـع ٍ يندعـا بـه=مثل الحصان اللي يبي له مصاريع
واجعل على هرج ٍ تقولـه رقابـه=عقل ٍ يصرف طايشات المواضيـع
والصمت في بعض المجالس مهابه=يكفيك شر اهـل الفمـي اللواسيـع
عن كلمة يقضب خطاهـا قضابـه=يركض عليه مصنع الهرج تصنيع
خله يروح ومنـك خـال ٍ جرابـه=يرجع كما المفلس بسوق المطاميـع
واحفظ صداقـة طيبيـن القرابـه=ربعك ليا قلـت عليـك المشاريـع
سيف ٍ نهار الضيق تقضب نصابه=ياقاك من حدب السيوف البواتيـع
ولا جفـاك الـدار مالـك ومابـه=رزقك على اللي طوع الكون تطويع
مقعدك في حزم ٍ تطـارد سرابـه=اخير من شوف الوجيـه المدانيـع
خطو الرخوم مصاحبيـن الخيابـه=تجار هـرج وباللـوازم كراسيـع
الرجل مثل الذيـب رزقـه نهابـه=ياخذ مع الدو الخـلاوي قراطيـع
والطيب ضلع زاميـات ٍ هضابـه=للريح في شامخ ركونـه ذعاذيـع
عسر المراقي يتعب اللـي رقابـه=ماياكره كـود الحـرار القواطيـع
والا الردى جرف ٍ هيـال ٍ ترابـه=حوله لزهـران المقافـي مرابيـع
يرقد به الحصني ويلقى الذرى به=والبوم بين غصون قشعـه مواقيـع
رجل على الناموس بيـض ٍ ثيابـه=ورجل ٍ يرقعها على المتن ترقيـع
ورجل يزايم علتـه مـن عذابـه=عيـدان نـاره للقريـب مواليـع
على ربوعـه كـل يـوم ٍ طلابـه=خمـاش وجـه ولالقيبـه منافيـع
ورجل ٍ مـع الايـام ماينصخابـه=عون الرفيق ليا صفعت الصوافيـع
غيث ٍ على من جاه يمطر سحابـه=عشبه على روس النوابي مفاقيـع
ورجل ٍ كما ليث ٍ عطيب ٍ صوابـه=من دون حقه سنع الخصم تسنيـع
طيب وعصمان الشـوارب تهابـه=يرجى وتخشاه الرجال الصعاصيع
ومن لادرى بالناس ماحد ٍ درى به=ماله على سجـل النشامـا تواقيـع
ومن لايحوش النعم فـاول شبابـه=في شيبته يحسب حساب المراضيع
وختامها ذكـر النبـي والصحابـه=واستغفر اللي مايضيع ولا يضيـع للمرحوم الشاعر الكبير مفرح الضمني