حـنـا خلقـنـا الله وهامـاتـنـا فـــوق
ماتـخـضـع الا لاجـــل رب خلـقـهـا
آمـوت واحيـا ماترجـيـت مخـلـوق
شـريــعــة سـنـيـتـهـا واعـتـنـقـهــا
مانيـب عشـاق ذبـح قلبـه الشـوق
اكبـر همـومـه هــم بـنـت عشقـهـا
ولانيب هـراج معـه سبعـة حلـوق
لامـاتـت الفتـنـة رجــع واختلـقـهـا
ولانيـب متسـرع ولانيـب مطفـوق
لانشـبـت الكلـمـه بحـلـقـه نطـقـهـا
لامابغـيـت ارتــاح وآســج وآروق
عارض لفرحة خاطري من سرقها
الي حكى في ساقتي جعلـه العـوق
شرهة زمن في جنب غيره لصقها
ايجـر خملاتـه علـى كــل طــاروق
حتـى تراجـيـف الـزمـان استبقـهـا
قلبه مـن الفتنـه مسـود ومحـروق
الا كــرامــة وجــهــه الله دفـقــهــا
الشجرة الي مالها ساس وعـروق
انــا اشـهـد انــه مايظـلـل ورقـهــا
خفـوا علينـا ياهـل الغـدر والـبـوق
كسب الوجيه الطاهره مـن عرقهـا
(قال المثـل ماكـل مطـرود ملحـوق
كـم واحــد لــه حـاجـة مالحقـهـا))

صح لسانك
ويعطيك العافية

قصيده غايه في الروعه والجمال و سلمت يمناك

قصيدة رائعة

وياليت أشرت لصاحبها

حتى يكون هناك أمانة بالنقل