الله يـقـطــع خـــــوةٍ مـالــهــا ســـــاس
الـلـي ورى طـــرد المـصـالـح هـدفـهـا
غايـاتـهـا يـحـكـم عـلـيـهـا بــالإفــلاس
ولا تـشـرف مــن يـجـي مــن طـرفـهـا
علـى الـردى والكـذب ترفـع وتـنـداس
هــــذي حـراويـهــا وهـــــذا وهـفــهــا
يانـاقـلـيـن الـكـبــر مــاهــو بـنـومــاس
نـقــص الـمـراجـل كـبـركـم مكتشـفـهـا
المرجله عملة ذهب مـا تجـي انحـاس
ومـــا كـــل رجـــلٍ لابـغـاهـا صـرفـهــا
مالي مع مجلـس هـل الـزور مجـلاس
نــويــت أجـنـبـهـا وأجــنــب صـلـفـهــا
عـرفـت نــاسٍ طيـرونـي مــن الـنـاس
حيـث إنهـا نقـص عـلـى مــن عرفـهـا
شـذابـة العـرقـوب تشـذيـب الأمــواس
نـــاس عـســى ربـــي يـعـجّـل تـلـفـهـا
صورة عرب واسلوبها اسلوب خناّس
تـبـطــن خبـايـثـهـا وتــبــدي شـرفــهــا
أخيـر منهـا فـي الخـلا ســج الأنـفـاس
فــي ديــرةٍ سـيـل أمــس ذيــا جـرفـهـا
مـع خـوي لــي عـلـى الـديـن قـرنـاس
حــــرٌ صـعـيـبـات الـمـراقــي ولـفــهــا
ورفيقي الطيّـب علـى العيـن والـراس
الــلــي مـنـاهـيـج الــوفــا مااستـلـفـهـا
وألا رديّ السـاس يبـقـى ردِيْ ســاس
ولا خـيــر فـــي نـفــسٍ دنـــيٍ هـدفـهـا

قصيده جميله ومهمه جداا وان الصداقه (الخوه ) لاتقوم من اجل دنيا ولكن تقوم على اساس المحبه والمعزه والاحترام شكرااااااااااا لك على هذه القصيده الهادفه .....

يعطيك العافيه يالحريري

الشعر الاجتماعي الهادف مؤثر وغالي القيمه وعالى المنزله عند عامة الناس سواء الشعراء او غير ذلك

لك كل احترامي وتقديري

وتقبل مروري

http://farm4.static.flickr.com/3094/2459562690_010cfbcc91_o.gif (http://www.bibo4pc.com/)