يقـول الخـلاوي حاضـر الـرأي صايـبـه
مصـاب الحشـى مدهـى بأدهـي مصائبـه
ومشطون حـالٍ بـات يصلـى علـى لظـى
ومفلـوق , معـلـوقٍ والأكـبـاد ذائـبـه
ومجـروح روحٍ صابهـا سابـق القـضـا
والأرواح أشـبـاحٍ لـلأقــدار صـايـبـه
جرى للورى وأمضى الورى من برا الـورى
ورب الـورى مـا جـا بالأقـدار جالـبـه
فـلا لـلـورى عـمّـا بــرا الله متّـقـى
ولا حيلـة] تحتـال فـي الكـون جايـبـه
قضى ماقضى وأمضـى بالأحكـام مـا يشـا
ومـن رضيـهـا والا فـالأقـدار غالـبـه
والأقـلام جفّـت بالـذي صـار واسـتـوى
علـى الكـون وطـوال السجـلات كاتـبـه
فـلا للـورى عمّـا بـرا بـاري الــورى
وربّ الـورى ماشـاء مـن شـاء غالـبـه
ومن عـاش مثلـي فـي المـلا دوم يبتلـى
والأحـرار مـأوى كـل بـلـوى ونايـبـه
ومـن طـال الأقـدار يُرمـى مـن السمـا
بتدبـيـر ربٍ نـافـذ الـقـول غـالـبـه
ولا يبتـلـى إلا فـتـى شــاد لـلــورى
رفيـع الـذرا ماطـال يـاصـاح صاحـبـه
صبرنا وحسبي مـن قضـا الله بمـا قضـى
شديد القـوى سبحـان مـن لا يحـاط بـه
صبرنـا علـى تصريـف الأقـدار والقضـا
صـبـرٍ جمـيـلٍ واحتسبـنـا لـواجـبـه
صبرنـا علـى أمـر الإلـه الـذي فــرى
فــؤادي وذاب الـحـال مـنـي وبـادبـه
صبـرنـا وسلّمـنـا لـلأقـدار والقـضـا
ومـن لا يسلّـم للقضـا خــاب جانـبـه
صبرنـا وصبّـرنـا المنيـعـي* وقـومـه
والقلـب مـنـي قطـعـةٍ مـنـه ذايـبـه
علـى مـا فجـا حالـي وماشـقّ مهجتـي
وماهـجّ بـاب القيـل منـي وهـاج بــه
وحشّ الحشـا منـي بمـا صـاب صاحبـي
مشيـدٍ ومبـدي فـايـدٍ قــال مايـبـه ؟
بذكـر الـذي شـاد السمـوات واسـتـوى
علـى العـرش معبـود المخاليـق دايـبـه
إلـهٍ بـدا الأشيـا والأكــوان واحـتـوى
بسلطـان عـزٍ مـنـه الأمــلاك هايـبـه
واصلّـي صـلاةٍ تـمـلا الأرض والسـمـا
صــلاةٍ وتسلـيـمٍ مــن الله واجـبــه
على المصطفى سـرّ الوجـود الـذي سـرى
إلـى حضـرةٍ مانالـهـا كــود جانـبـه
سـرى بـه إلـى أهـل السمـوات ربـنـا
وأدنـاه رؤيـا العـيـن حــقٍ وخاطـبـه
وأبـدى لـه المكنـون مـن سـرّ ماخفـى
فالعـرش والكرسـي والأكـوان داج بــه
غـدا خيـر مختـارٍ إلــى خـيـر أمّــة
وأكــرم مخـلـوقٍ عـلـى الله جانـبـه
محمـد الداعـي إلـى الـديـن والـهـدى
رسـولٍ أتـى مـن رب الأربــاب ثايـبـه
لـه الجـود والقـدر الجليـل الـذي جــلا
دياجـي ظـلام الشكـر والديـن قـام بـه
علـى حبـه الله أمسـك الطيـر بالسـمـا
وشق النّوى وأجـرى علـى المـا مراكبـه
حبيـبٍ لـه المعـراج والـتـاج والـلـوى
وفيـاض حـوضٍ ماشقـي قـط شـاربـه
مـلا الديـن والدنيـا مـن النـور والهـدى
وكـفـاه بالإحـسـان والـجـود ساكـبـه
شفيع الـورى ستـر العـرا شامـخ الـذرا
حبيبٍ سرى مـا أحـدٍ درى صـوب ناجبـه
رفـع شانـه الرحمـن واعـلـى مكـانـه
فـي محكـم التنـزيـل والله قــال بــه
فـلا عــروةٍ وثـقـى بـمـن لا يــودّه
ولـو يعبـد الـبـاري فيـاديـه خايـبـه
ومـن طـاع للـرب الجليـل الـذي يـرى
ولاطـاع طـه طاعـتـه غـيـر طايـبـه
مثـل الـذي أنـشـا عـلـى المـلـح داره
ودارٍ أسـاسـه مـلـح لاشــك خـاربـه
محـا الله قــومٍ مــا يحـبـون ذاتــه
وأخـزى لـقـومٍ حــب طــه مجانـبـه
أحبـه وأحـب الله مــن فــوق حـبـه
ومحبّـة حبـيـب الله لأحـشـاي سالـبـه
هـو الشافـع المقبـول فـي كـل ماجـرى
وان شبـت النيـران عنهـا يــلاذ بــه
فـي موقـف] عسـرٍ شديـدٍ علـى الـورى
صعـب المـدى مـن ذاك الأمـلاك هايبـه
فلالـه ســوى طــه شفـيـعٍ مشـفّـع
ولا صاحـبٍ تلقـاه مــن دون صاحـبـه
عيسـى نسـى مريـم وهـي حلـوة اللبـن
وموسـى نسـى هـارون عضـده ونايبـه
بيـومٍ عبـوسٍ مـنـه الأمــلاك تتّـقـي
والخلـق سكـرى , حاضـر الـرأي غايبـه
يـوم الحـسـاب الـكـل للـكـل داهــل
والكـل يبكـي مـادرى ويــش صـاربـه
ومـن هـول هـذا الـيـوم كــلٍ تـعـذّر
ولا واحـــدٍ إلا أنـيـخـت ركـايـبــه
ولا قـال نبـي غيـر أحمـد " أنـا لهـا "
جثـوا كلّـهـم ألا محـمـد يــلاذ بــه
تنبّـه وكـن فـي حــب طــه مــلازم
وليّـاك تـازي زيّ مـن خــاب جانـبـه
نهـارك تصـلّـي يافـتـى ألــف مــرّة
مردوفـةٍ تهـوي علـى الــذات واجـبـه
وباللـيـل تـقـرا ماتيـسّـر ومثـلـهـا
وهـذاك أدنـى مـاسـدى مــن حبايـبـه
شفاعـة نبـي الله تنـجّـي مــن الـبـلا
ومـن هـول يـومٍ فيـه الاجبـال ذايـبـه
ومـــاذاك الا رحـمــة الله لـلــورى
شفيـعٍ تـرى ماحـل مـن هـول زال بـه
هـداه الـذي يسمـع نـدا كـل مـن دعـا
قريـبٍ مجـيـبٍ جــل معـبـود دايـبـه
خذ فـي يـدي أقولهـا فـي وغـا الحشـر
وفــي دي منـيـعٍ صاحـبـي واقـاربـه
منيع المسمـى وانـت تـدري بمـا جـرى
وجـدّي وجـدّه مـن معالـيـك صالـبـه
علـى ذاتـك العليـا صـلاةٍ مـدى الدهـر
مـاكــرّر الله الـجـديـديـن دايــبــه
تغشّـاك ياخيـر الـورى كــل مــاذرى
هبـوبٍ وكـل ماسحّـت بالأنـوا سحايبـه
علـى القبّـة الخضـرا تــروّي وتنثـنـي
علـى الآل والصحـب الـكـرام الأطايـبـه
نبـيٍّ جليـلٍ جـل مــن جــل شـانـه
وأعلـى مكانـه , واصطفـى منـه جانبـه
ومـدح الـورى للمصطفـى مثـل ماتـشـا
حبّـة رشــادٍ فــي طـوامـي غبايـبـه
مـا المـدح ممـا يطـلـب الله بالـكـرى
ويقـتـات بـالأقـوات والـمـاء شـاربـه
فلـو هـي بحـورٍ سبـع ومعهـا مثلـهـا
مـداد وقــام الخـلـق بالـعـد قاطـبـه
واقــلام نــورٍ لا يقـومـون بالـمـدى
وجنـود رب الـكـون بالـكـون كاتـبـه
مـا أحصـوا فضايـل أحمـدٍ أو توصّـلـوا
للمركـز الـلـي رب طــه حـبـاه بــه
كفى مـدح رب الكـون مـن سابـع سمـا
في حـق طـه بعـض الآيـات جـات بـه
ب( ياسيـن ) والسبـع المثانـي وغيرهـا
يكفيـه مــدحٍ ب الأربــاب فــاه بــه
كفـى وأختصـرنـا مــاورا الله مــادح
من قـال: صبـت المـدح أخطـأ بصايبـه
عزيـزٍ عليـنـا دونـهـا كــل مــادح
سـوى الله مـا أدّى مـن المـدح واجـبـه
واشعـارنـا تـجـري ثــلاثٍ وغيـرهـا
سـراب ولا يــروي ســرابٍ لشـاربـه
ومن قـال شعـرٍ فيـه مـا يسخـط المـلا
فالشيـن ياصاحـي لـه النفـس شـاربـه
وقـد قلـت أشعـار المـلا هــي ثـلاثـة
مـن رأي فكـرٍ حـل قلبـي وجـال بــه
شعـرٍ يمـوت وصاحبـه حــي مافـنـى
وشعـرٍ يعيـش بحـد ماعـاش صاحـبـه
إلـى عـاد سـمـرات الليـالـي تـدولـه
وقـبـلات أيــامٍ كـأعـيـاد سـاكـبـه
ترى النـاس مـن فـجٍّ عميـقٍ تجـي لـه
وتـجـري مدامعـهـم والأرواح هـايـبـه
فـلا مـات مـن هـذي بقايـاه فـي المـلا
لاعـاد بالتـكـرار يثـنـي ثـنـاه بــه
ويـازي مـن الأشعـار شـعـرٍ مـذبـذب
لا الدنيـا فـاز بهـا ولا الديـن فـاز بـه
وأزكـاه مـمـا قـيـل مـاكـان شـافـع
ومـا فـات مابـيـن البـريّـات جايـبـه
مضـى ذا وعدنـا فـي منـيـعٍ وقـومـه
ومـا خـط بارينـا فالأقـدار جـات بــه
خطـبٍ جـرى ولحبـة القلـب قـد فــرى
وقـت الكـرى لـمّـا دهتـنـا مصايـبـه
دهى حالتـي وألـوى بخلّـي مـن الـورى
منيـع الـذي روحــي لفـرقـاه ذايـبـه
ألا ليـت نجـم سهيـل أنبـا بمـا جــرى
فيحق مـن حـش الحشـى ويـش صاربـه
هـات الـدواه وربّـص الــزاج يافـتـى
واختر مـن القرطـاس طلـحٍ وهـات بـه
وكــن صـاحـي واعٍ أديــبٍ مـهـذّب
وليـاك تـازي ذاهــل الــراي غايـبـه
وافهـم كلامـي يانمـا صـلـب مهجـتـي
وشـق الفـؤاد وخــل يمـنـاك كاتـبـه
ماصـاب قلبـي مـن سليمـان صاحـبـي
ومابـه لنـا عـن شـر الأقـدار جالـبـه
ومـا شـاق حسّـادي وماشـق مهجـتـي
وما هاض من قلبـي كوانـي وغـاص بـه
لسانـي وانسـانـي ونــوري ونـاظـري
وجـودي وماجـودي مـن الخلـق قاطبـه
وروحـي وريحانـي وراحــي وراحـتـي
منيـع الـذي مـن كـل ماطـاب طايـبـه
فتـى طـال بالعليـا علـى شامـخ الــذرا
وكثير الـورى مـن عيـن عليـاه شاربـه
حـوى ماحـوى مالديـن والمجـد والهـدى
ومن كـل مرقـى طـال معنـاه طـال بـه
جرى ماجـرى والحـي فـي سجّـة الكـرى
وبـدر الدياجـي ظافـي الـنـور غايـبـه
مــرٍّ يغـيـب ومــرّ بالغـيـم يتّـقـي
مـا أدري غــدا أو غـاديـات مغايـبـه
أوبـه غـوى مطغيـهٍ فـي زايـد الضّـيـا
واغــراه حـتـى نـكّـس الله حاجـبـه
أو صــاب للسـيّـار مـاصـاب راشــد
غبـنٍ بــراه وحـبـة القـلـب ذايـبـه
كنّـي ونفسـي نـايـمٍ فــوق هامـتـي
غرابيـب سـودٍ واصبحـن يـوم جالـبـه
رأى البـوم حـالٍ قـد تـولّـى وزارنــي
فـلا مرحبـا بالـبـوم لاحــي غايـبـه
متـى شـاب راس الشـاب وأبيـض لونـه
فقـد فـات مـن عمـر المعنّـى أطايـبـه
فليـا فـات لـه ياصـاح سبعيـن حـجّـه
فمـا البيـض فـي لامـاه بالعـون راغبـه
غـدا مثـل شمـسٍ جـات تبغـي مغيبهـا
فـي راس طـودٍ شامـخ الطـود غـاربـه
تخلّـى عـن الدنيـا وخـلّـى شطونـهـا
مـا عــاد بــه الا مـلاقـاة صاحـبـه
محـا الله بـومٍ انحـس الصـوت صـوتـه
مـن الــدار مــا مـثـواه الا خرايـبـه
دهانـي دهـاه الله فــي لــذّة الـكـرى
والـروح منـي حـيـن مـدهـاه غايـبـه
نعق لـي بصـوتٍ سـر لـي فيـه مـادرى
رفيـع الـذرا بأخبـار مـا البـوم جالـبـه
إلى صوب من صِيب الحشـا مـن مصابهـم
منيـع الـذي بـه حالـتـي دوم تاعـبـه
علـمٍ شنيـعٍ شـاع طاريـه فـي الـورى
علـيّ وعلـى خـلّـي تـوافـد جلايـبـه
وقلـبـي قـديـمٍ واحـــلٍ ذا وحـــاذر
أوصيّـه حتـى ملّنـي مـن وصـاي بــه
إلـى قلـت لـه قـولٍ يـدلّـي يلومـنـي
حتّـى دهتنـي فـيـه أكـبـر مصايـبـه
علـى ذا فلالـي حـظ نفـسٍ مـن الولـي
ولا لــي مــرامٍ كــون ذلّ الزلايـبـه
قـد قلـت لـه : ياصاحبـي حـيّ حيـهـم
بالسـيـف لا تخـشـى لـضـدٍّ تحـاربـه
وعـزّة حمـاهـم يــا حمـانـا فذلـهـا
بـراس العـلا ومطـرّق الـحـد خاطـبـه
ولاتعـف عمـن لا يـرى العـفـو مـنّـه
فالضّـد عفـوٍ عـنـه يـقـوي رعايـبـه
وقـد قلـت لـك قـولٍ قديـمٍ بـه الــدوا
ويكفـي منيـعٍ لـو تبعنـي وحـاط بــه
اسـق الّلـدان وخضّـب البيـض منـهـم
ومـن جـاك منهـم صاحـبٍ لا تصاحبـه
فـلا طاعـك الا مـن فـرى الـزان جنبـه
ولا هابـك الا مـن وطـا السيـف غاربـه
وحريـب جـدّك لــو صـفـا مـايـودّك
وعينـاه لـو تبكـي لـك الــدم كـاذبـه
وحـذراك لـو قـال : أنـا هـاك دونــك
روحـي فـداك وفـي مـلامـاك راغـبـه
حلـو اللـسـان ومخـفـيٍ كــل سـيّـه
والقلـب حـر النـار مــن دون لاهـبـه
متمـلّـقٍ يـغـري الغشـيـم بمحـبّـتـه
ويغـوي لمـن لا غـاس بحـر التجـاربـه
فالليـث شانـه - شـانـه الله _ كـاظـم
ومـن حيـن يبـدأ النـاب تحـذر مخالبـه
فأحـذر حريبـك فـي المـلا فـرد مــرّة
واحـذر صديـق السـوّ ألـفٍ تحـاط بـه
كـم حـاربٍ يلقـاك فـي ثـوب صـاحـب
شفـقٍ عليـك ومظـهـر الــود جانـبـه
وحـذراك ضـدّك لا يــرى فـيـك رقّــه
دكّ الجبـال وعــضّ بالغـيـظ حاجـبـه
ومـن هـان نفسـه للمـلا هـان قــدره
حتـى تشـوف الــذّر يسـعـى بغـاربـه
قــم يارفـيـع الـجـاه فيـهـم بـغـاره
كمـا أسـد غـابٍ يرهـب اللـي يتاعـبـه
وكـن بـاز فـي ذات الجناحيـن يافـتـى
وضرغـام غـابٍ منـه الأشبـال هايـبـه
مـن لا يعـدي عــن مـراعـي جــدوده
بالسيـف عـدّي عـن مـراعـي ركايـبـه
ومـن لا يـرد الضـدّ بالسـيـف والقـنـا
ويحمـي الحمـى تطمـع عليـه الثعالـبـه
ومـن لا يباشـر شـرّ الأشـرار والـعـدا
يوطـا وكـفّ عــداه لحـمـاه خـاربـه
ومـن لا يـراه النـاس يخـشـاه ضــدّه
مذمـوم حـال وهانـت أعــداه جانـبـه
ومـن لا يـدوس أعـداه فـي ثـوب عـزّه
وفـي بـاس ضرغـامٍ طــوالٍ مخالـبـه
والا فـداس أعـداه مـن فــوق راســه
ومـن ديـس راسـه ماتبالـي مضـاربـه
ومـن كـفّ شـرّه عنـد الأشـرار ضـرّه
وبالشـرّ ينمـي كــل خـيـرٍ لصاحـبـه
ومـن لا يـذود الـذود عـن حـوض ورده
بالسيـف والا ســوف تضـمـا ركايـبـه
فالـشـرّ مـــا يـنـحـال إلا بـــردّه
ودون الظّبـا ماحـال مـن عـال نايـبـه
فلـولا الظـبـا مــا وحّــد الله جـاحـد
شـك القنـا والمشرفـيـات جــات بــه
وحـذراك تبقـي راس مـن هـان قــدره
فكـم فـارسٍ أفنـاه مـن لا يقـاس بــه
وراسٍ تقـصّـه تكتـفـي بــاس شــرّه
وروحٍ بـلا راسٍ فــلا جــات حـاربـه
قـس العقـاب وحاضـر الـمـوت سـمـه
ويفنـى مـن الدنـيـا بـأدنـى عقـاربـه
فـــلا آفـــةٍ إلا بـلاهــا بـدونـهـا
واظهـار عجـزٍ فـي البريـات قـال بــه
مـن لـه أتـت سبـع السمـوات طـاعـة
والخـد تسعـى جـات تخـشـى مـداربـه
ربٍ علـى ماشـاء مــن شــي قــادر
عليهـم بالشيـا واسـع الحـلـم جانـبـه
مضى مامضـى ياحـي بالأمـس وانقضـى
والغـد مـا يـدري الفتـى كـان صاحبـه
وترى أبرك ساعـات الفتـى مابهـا الفتـى
ومـا فـات مـات وساعـة الغيـب غايبـه
والعمـر عــدّه غــارةٍ ولــد سـاعـة
إلـى فـات هـل تعطـى لعـمـرٍ يقـاربـه
والـروح مـا ولّـى بهـا المـوت تنثنـي
وعصـر] تـولّـى مــا ليالـيـه آيـبـه
ومـا للفتـى روحٍ ســوى روح نفـسـه
مكـان الـذي ولّـى بهـا المـوت نايـبـه
فأغنـم متـى لاحـت مـن الوقـت فرصـه
وان هـب نسنـاسٍ فـاذر فـي سوايـبـه
فالاكـوان محكـومـات والــرب حـاكـم
والـرب مـا يــدرى بسكـنـا هبايـبـه
ولاصحـة الإنسـان تبقـى مـدى الـمـدى
لابـد مــن بـلـوى ونـوبـات نايـبـه
فــلا شــي الا لــه مــن الله ضــده
ولا حـال فـي الدنيـا علـى حـال دايبـه
وحيـاةٍ بــلا عــزٍ مـحـا الله حظـهـا
حيـاة الفتـى مـا فاتهـا الـعـز خايـبـه
إلـى عــاد لا سـيـفٍ تتـقّـى بظـلـه
ولا الدنيـا فـزت بهـا ولا الديـن طالبـه
وفي كـل شعـبٍ شـاع فـي النـاس ذلـك
وعشـب الغبـن ترعـاه والـذل شـاربـه
فـالــذل داءٍ لـلـظـواري يـسـلّـهـا
كمـا سـل داء السـل معلـوق صاحـبـه
فــلا صـابــرٍ لـلــذل إلا مـجـبّـن
وعنيـن قـومٍ مـالـة البـيـض ظـاربـه
بـرى مهجتـي غبنـي وروحـي وسلّنـي
وحالـي دهـى وانـذاب بـالـذل غالـبـه
فالـى عادنـا فـي الـذل ياسيّـد الحـمـى
فأنا المـوت أولـى لـي وأحلـى مشاربـه
والـحـر يخـتـار الـفـنـا دون ذلّـــه
والـمـوت أشـلـى مــن لاة الزلايـبـه
ومـن عـاش ماحـاش الثـنـا والمـعـزّه
ولا ســاد حـسّـاد ولا فــاز طـالـبـه
ولا ساجـدٍ وبـل السمـاء يستـقـى بــه
ولا ماجـدٍ سامـي مـن الضـيـم لاذبــه
ولا فـارسٍ نـدب بــه الخـيـل تتّـقـي
ولا عــاد للهشّــال بـسّـام حـاجـبـه
ولا مهـرة] قـبّـا مـنـى كــل فــارس
نجـاة الفتـى مـا غـارت الخيـل طالبـه
ولا طفلـةٍ عفـرا مـنـى كــل خـاطـب
عـلـى مـاجـد خطابـهـا دام خاطـبـه
ولا عــدّ غــرسٍ للسـوانـي مـجـرّب
ولا فاطـرٍ كومـا هـوى شـف صاحـبـه
ولا هجمـةٍ مـن نـادر الـبـوش حـلـوه
ولا شنّـةٍ شمطـا مـن الـسـرح حالـبـه
حيـاةٍ عداهـا الـعـز والمـجـد والثـنـا
حيـاة العنـا ليـسـت لـحـرٍ مناسـبـه
لي ضاع عمر المرء في ( ليت ) أو ( عسى )
فكثـر التمنـي مابنـى بـيـت صاحـبـه
فلو ( ليت ) تنفع أو ( عسى ) أو ( لعلّنـا )
ادمنـا ولـكـن ماخـبـر عــز جاتـبـه
إذا مـا الفتـى أمسـى عـن العـز عاجـز
وأمسـى بهـا مـع كـل عـذرا وصايـبـه
وقـد قالهـا قـومٍ غـدوا فــي ديـارهـم
أحاديـث قـومٍ صـبّـح الـحـي ناهـبـه
فلو ( ليت ) ترفع حـال مـن شقّـة الشقـا
وتطفـي سعيـرٍ بالحشـا شــبّ لاهـبـه
وتشفـي غليـلٍ بــات بالقـلـب غـلّـه
وتكفـي عـن المقصـود مـا نـاب نايبـه
لـك الله مـا تلقـى حزيـنٍ مـن الــورى
علـى فقـد مـا قلنـاه لـو فـاد ساكـبـه
لحقنـا عـلـى عـصـرٍ قـديـمٍ لجـدّنـا
ولا قيـل سـال ب( ليـت ) حـرٍّ مطالبـه
فـلا بالتمنـي تبـلـغ النـفـس حظّـهـا
ولا بالتـأنـي فــاز بالصـيـد طالـبـه
فكـم عـام شخـصٍ والتمـنّـات حـظّـه
وكـم فـات صـيـدٍ بالتئـنّـات غالـبـه
فــلا نـــال لـلآمــال إلا مـخـاطـر
وخــوّاض بـحـرٍ والمنـايـا غبايـبـه
فتى لا يـرى شـيٍ ورى مـن بـرا الـورى
ولا للـعـلا أصـفـى بالأفـعـال جانـبـه
فـيـا مـاجـدٍ هــام الثـريـا مقـامـه
يـرى زهـرة الدنيـا مـن أدنـى مطالبـه
فتـى لا يـرى فـي دار الأكـدار منّـصـب
أمّــا سـنـام الـعــز والا نصـايـبـه
مقـام الفتـى فـي منصـب العـز ساعـة
ولا ألـف عـامٍ يصحـب الــذل جانـبـه
ترى العـز لـو بالنـار زيـنٍ علـى الفتـى
والـذّل لـو بالخـلـد مــازان صاحـبـه
وفتـى العـز لا يرضـى بـذلٍ ولـو ولـو
ولو فـوق جمـرٍ هـان فـي العـز لاهبـه
ومـن بــات رهــنٍ لـلـولا والمـذلّـه
أضحـى عديـم الـعـز مــأوى نهايـبـه
إذا كــان حـكـمٍ فـيــه ذلٍ لـحـاكـم
فـي كـل حـالٍ تملـك أعــداه غـاربـه
ومـن تملـك الأعـداء زمـامـه تـقـوده
فـأن طـاع والا فالضبـى البيـض غالبـه
ومـن قيـد بزمـامٍ فـهـو فــي مـذلّـه
ولـو كـان مـن فـوق الثريـا مناصـبـه
ومـن عـاش فــي ذلٍ حيـاتـه نـكـاده
يشـوف غبنـه ناصـبٍ بـيـن حاجـبـه
والغبـن شيـن] يـدنـي الـحـر للفـنـا
ومــا فنـيـت الأحــرار الا بغـالـبـه
والـروح يرخـص دونهـا كـل مـا غـلا
سـوى الله ماعيـنٍ مـن المـوت غايـبـه
فيامرتـع الضيفـان فـي الليـن والقـسـا
وياخير مـن فـي النـاس ترجـى وهايبـه
مـن راقــب الرحـمـن لابــد يتّـقـي
ومـن هـاب مـن رب السمـاء لان جانبـه
ويـــازي عـزيــز الـنـفـس لله درّه
وتـبـدي حسنـاتـه لـمـن لا يقـاربـه
والحـر مهمـا عـاش فـي الـدار يبتلـى
ولا يبـتـلـى يـاصــاح الا حبـايـبـه
وعصـر الفتـى يعطـيـه مـامـر تــاره
ويعطيـه تـارةٍ فــوق مـاسـر جانـبـه
فأصبـر علـى خبـث الليـالـي وطيبـهـا
فـلا عــاد صـبّـارٍ وأيـاديـه خايـبـه
فـمـا أنـقـادت الآمــال الا لـصـابـر
ويكفيـك قـول الله فـي حــق صاحـبـه
والصبـر خـيـر مــا تأمـلـت يافـتـى
بالعـز لـو مـامـال تـضـوى ركايـبـه
والصـبـر خـيـرٍ قـالـه الله لـلــورى
وأوصـى بـه للمصطفـى مـن حبايـبـه
وفـي الصبـر ألطـافٍ خفـيّـات قالـهـا
ولـكـل مـكـروبٍ لـلأفـراج جـالـبـه
فأصبـر قلـيـلٍ يامنـيـع ولــو ولــو
ولـو فلـذتٍ مـن قطعـة القلـب دايـبـه
تـرى الصبـر مفتـاحٍ لـلأفـراج كلـهـا
ولـو هـو بريقـك مـر حـلـوٍ عواقـبـه
فمـا بـيـن غفـلـة مقـلـةٍ وانتبـاهـه
فـلا ينـدرى مـن أيـن تـذري هبايـبـه
وكثيـرٍ مـن الأشيـا عـن العبـد تنّقضـى
وهـي عنـد أهـل العلـم والحلـم واجبـه
عـنـد الــذي لله فـــي الله حـبـهـم
رجــالٍ عـلـى التـقـوى دوامٍ تراقـبـه
يحبـون فـي بـاري الـورى كـل خـيـر
لله يـرضـى بالقـضـا مــن مصايـبـه
وتسلـيـم أمــر الـعـبـد لله واجـــب
حـقٍ يقيـن وكـل شـي مــن وهايـبـه
اسلـيـك والتـسـلات ياسـيّـد الحـمـى
تسـل الحشـى منـي وللـحـال سالـبـه
اسلـيـك بلسـانـي وقلـبـي يلـومـنـي
يبغـى مقـام العـز لـو فــوق ثاقـبـه
صبرنا على البلوى ومـا جـا مـن السمـا
وشلنـا حمـولٍ فـوق مـالا يطـاق بــه
والصبـر محمـودٍ علـى كــل مـاجـرى
إلا إلـــى أدى إلـــى ذلّ صـاحـبــه
وصبـري حياتـي غايـة الــذل والـبـلا
وصبر الفتـى فـي الـذل أدهـى مصايبـه
فإما تقمّـص ثـوب ( أيـوب ) فـي البـلا
صبرٍ _ وانـا مـا أرضـاه والـذل جانبـه
فمـن سـلّ سيـف العـز للـيـث قــاده
ومـن لا يسـل السيـف فالقـرد قـاد بـه
ومـن لا يعـدي عـن حيـاضـه تـشـرّع
ومـن لا يكـرم لحيتـه حـلـق شـاربـه
وإلـى حلـلـت بــدار قــومٍ فـدارهـم
مراعـاة قـول الله وفـي الشـرع واجـبـه
إن كـان هـم مـمـن يـعـزّون جـارهـم
والا فمـثـلـك واضـحــاتٍ مـذاهـبـه
إلـى الحـر ضاقـت حيلتـه ثــم ذلّــت
تصفـق بـه الدنيـا ومــرت مشـاربـه
فلا يتّخـذ فيهـا سـوى البيـض صاحـب
فــلا ذلّــت الأعـنـاق إلا لصـاحـبـه
فـإن كـان مـا للحـر حـظ] مـن التقـى
يواقـي , ولالـه منصـلٍ عــز جانـبـه
ولا لـه مـن الدنيـا لسـانٍ يـزيـد بــه
علـيـا ولا ركــنٍ شـديــدٍ قـرايـبـه
إلـى ضـاق دارٍ بـه عـن الـدار غيرهـا
بدلهـا ولا غبـنٍ بــه الــروح ذايـبـه
والـدار مـا يحـصـر عليـهـا وليـدهـا
دار الفـتـى مـاطـاب فيـهـا مكاسـبـه
فكـم مـن فقيـرٍ عـن ديــاره تـحـوّل
فـي غيرهـا وامسـى بـهـا ماتحاسـبـه
والـــدار دولابٍ بـالأقــدار دايــــر
والخـلـق لـلأقـدار تــازي مـداربــه
ومـوت الفتـى فـي ماقـف الـذل حسـره
ومن مات مغبـونٍ مـن الضـد عـار بـه
وفـي الـرأي يـا مشكـاي خمـسٍ تعجّـل
ونـقـصٍ تأخـرهـا جــرى بالتجـاربـه
الجـذّ , والتزويـج , والـحـرب للـعـدى
والفرض , والقـرض الـذي فـي مواجبـه
وصفـات المعالـي شامـخ الطـول عزهـا
وحـرام علـى مـن نـاد بالـذل جانـبـه
تهـزّا علـى الخطّـاب تبـغـى صداقـهـا
ثـلاثٍ علـى الخطّـاب علـيـا صعايـبـه
تبـي العـز بالسيـف اليمـانـي وجفـنـه
وكـفٍ كريـمٍ قـط مـا خــاب طالـبـه
ثـلاثٍ علـى غـيـر الـخـلاوي تـكـوده
إلا منـيـعٍ سـيّــد الـحــي زاهـبــه
رجـا الضيـف والسيـف اليمانـي يزينـه
وبالـجـود تـيّـارٍ تطـامـى غبـايـبـه
قالـوا لهـا هــذا الـخـلاوي يسـومـك
صعلوك حـالٍ مـا سـوى الغـوج راكبـه
فلـبّـت واجابتـنـا وسقـنـا صـداقـهـا
وقالـت هوانـا فـي الخـلاوي وصاحـبـه
فخذهـا عسـى الرحمـن يحظيـك عـزهـا
وأقبـل فـتـاةٍ فــي مـلامـاك راغـبـه
أبت فيك خطّاب الـورى يـا حمـى الـورى
إلا لـك تسعـى جـات لحـمـاك طالـبـه
تبي منـك ثـوب وحلّـةٍ مـن شبـا الظبـا
وإلا الـردى لـدّن الردينـي تصـاب بــه
مهـرة ملـوكٍ أن كـان ماصيـن عرضهـا
بالسيـف والا بـه يــد أعــداه لاعـبـه
المـلـك تــاجٍ مـالـه الا المـصـونـه
ومـن لا يصونـه ينـزع التـاج واهـبـه
ومـن خـوّل النعـمـا فـيـدّي حقوقـهـا
ومـن لا يـود] حــق نعـمـاه زال بــه
ومـتـزوّج الـغـذرا يــودّي صداقـهـا
حــقٍ يقـيـنٍ مـثـل مالله قــال بــه
فشكـرٍ علـى النعمـا وصبـرٍ علـى البـلا
ونيـل الفتـى ماجـاه واشـقـاه لاغـبـه
فكـم حاكـمٍ زالـه عــن المـلـك زلّــه
أضحـى وكـف عــداه لحـمـاه ناهـبـه
فــي ذاك قــول الله لاشــك صــادق
ربٍ تعالـى كــل مـاشـاء قــال بــه
وأمر افتـى فـي عالـم الـذر قـد مضـى
وماصاب مـا اخطـا ومـا اخطـاه غايبـه
ولابـه ســوى مــا قــدّر الله للفـتـى
ومهمـا جـرى رب السمـوات جـاء بــه
وحتف الفتـى ماصـاب نفـس مـن المـلا
الا بـتـقـديـرٍ مــــن الله كـاتـبــه
فلا حـان حتـف الـروح مـن دون حينهـا
ولا حيـنـهـا الا مـــن الله نــادبــه
والأرواح زرعٍ والمـنـايـا حـصـيـدهـا
والـمـوت عــدّ وزرع الأرواح شـاربـه
ولا يــــدٍ إلا يــــد الله فـوقـهــا
ولا غـــال[ إلا لـــه الله غـالـبــه
وتـرى كـل شـيٍ مـا سـوى الله باطـل
ومـن لا يصـيـب الله لا شــي صايـبـه
فأسمـع مشـوره ياحمـى الجـار راشــد
والـعـز مــن رب السـمـوات واهـبـه


للشاعرالمرحوم:راشدالخلاوي

يقـول الخـلاوي حاضـر الـرأي صايـبـه
مصـاب الحشـى مدهـى بأدهـي مصائبـه
ومشطون حـالٍ بـات يصلـى علـى لظـى
ومفلـوق , معـلـوقٍ والأكـبـاد ذائـبـه
ومجـروح روحٍ صابهـا سابـق القـضـا
والأرواح أشـبـاحٍ لـلأقــدار صـايـبـه
جرى للورى وأمضى الورى من برا الـورى
ورب الـورى مـا جـا بالأقـدار جالـبـه
فـلا لـلـورى عـمّـا بــرا الله متّـقـى
ولا حيلـة] تحتـال فـي الكـون جايـبـه
قضى ماقضى وأمضـى بالأحكـام مـا يشـا
ومـن رضيـهـا والا فـالأقـدار غالـبـه
والأقـلام جفّـت بالـذي صـار واسـتـوى
علـى الكـون وطـوال السجـلات كاتـبـه
فـلا للـورى عمّـا بـرا بـاري الــورى
وربّ الـورى ماشـاء مـن شـاء غالـبـه
ومن عـاش مثلـي فـي المـلا دوم يبتلـى
والأحـرار مـأوى كـل بـلـوى ونايـبـه
ومـن طـال الأقـدار يُرمـى مـن السمـا
بتدبـيـر ربٍ نـافـذ الـقـول غـالـبـه
ولا يبتـلـى إلا فـتـى شــاد لـلــورى
رفيـع الـذرا ماطـال يـاصـاح صاحـبـه
صبرنا وحسبي مـن قضـا الله بمـا قضـى
شديد القـوى سبحـان مـن لا يحـاط بـه
صبرنـا علـى تصريـف الأقـدار والقضـا
صـبـرٍ جمـيـلٍ واحتسبـنـا لـواجـبـه
صبرنـا علـى أمـر الإلـه الـذي فــرى
فــؤادي وذاب الـحـال مـنـي وبـادبـه
صبـرنـا وسلّمـنـا لـلأقـدار والقـضـا
ومـن لا يسلّـم للقضـا خــاب جانـبـه
صبرنـا وصبّـرنـا المنيـعـي* وقـومـه
والقلـب مـنـي قطـعـةٍ مـنـه ذايـبـه
علـى مـا فجـا حالـي وماشـقّ مهجتـي
وماهـجّ بـاب القيـل منـي وهـاج بــه
وحشّ الحشـا منـي بمـا صـاب صاحبـي
مشيـدٍ ومبـدي فـايـدٍ قــال مايـبـه ؟
بذكـر الـذي شـاد السمـوات واسـتـوى
علـى العـرش معبـود المخاليـق دايـبـه
إلـهٍ بـدا الأشيـا والأكــوان واحـتـوى
بسلطـان عـزٍ مـنـه الأمــلاك هايـبـه
واصلّـي صـلاةٍ تـمـلا الأرض والسـمـا
صــلاةٍ وتسلـيـمٍ مــن الله واجـبــه
على المصطفى سـرّ الوجـود الـذي سـرى
إلـى حضـرةٍ مانالـهـا كــود جانـبـه
سـرى بـه إلـى أهـل السمـوات ربـنـا
وأدنـاه رؤيـا العـيـن حــقٍ وخاطـبـه
وأبـدى لـه المكنـون مـن سـرّ ماخفـى
فالعـرش والكرسـي والأكـوان داج بــه
غـدا خيـر مختـارٍ إلــى خـيـر أمّــة
وأكــرم مخـلـوقٍ عـلـى الله جانـبـه
محمـد الداعـي إلـى الـديـن والـهـدى
رسـولٍ أتـى مـن رب الأربــاب ثايـبـه
لـه الجـود والقـدر الجليـل الـذي جــلا
دياجـي ظـلام الشكـر والديـن قـام بـه
علـى حبـه الله أمسـك الطيـر بالسـمـا
وشق النّوى وأجـرى علـى المـا مراكبـه
حبيـبٍ لـه المعـراج والـتـاج والـلـوى
وفيـاض حـوضٍ ماشقـي قـط شـاربـه
مـلا الديـن والدنيـا مـن النـور والهـدى
وكـفـاه بالإحـسـان والـجـود ساكـبـه
شفيع الـورى ستـر العـرا شامـخ الـذرا
حبيبٍ سرى مـا أحـدٍ درى صـوب ناجبـه
رفـع شانـه الرحمـن واعـلـى مكـانـه
فـي محكـم التنـزيـل والله قــال بــه
فـلا عــروةٍ وثـقـى بـمـن لا يــودّه
ولـو يعبـد الـبـاري فيـاديـه خايـبـه
ومـن طـاع للـرب الجليـل الـذي يـرى
ولاطـاع طـه طاعـتـه غـيـر طايـبـه
مثـل الـذي أنـشـا عـلـى المـلـح داره
ودارٍ أسـاسـه مـلـح لاشــك خـاربـه
محـا الله قــومٍ مــا يحـبـون ذاتــه
وأخـزى لـقـومٍ حــب طــه مجانـبـه
أحبـه وأحـب الله مــن فــوق حـبـه
ومحبّـة حبـيـب الله لأحـشـاي سالـبـه
هـو الشافـع المقبـول فـي كـل ماجـرى
وان شبـت النيـران عنهـا يــلاذ بــه
فـي موقـف] عسـرٍ شديـدٍ علـى الـورى
صعـب المـدى مـن ذاك الأمـلاك هايبـه
فلالـه ســوى طــه شفـيـعٍ مشـفّـع
ولا صاحـبٍ تلقـاه مــن دون صاحـبـه
عيسـى نسـى مريـم وهـي حلـوة اللبـن
وموسـى نسـى هـارون عضـده ونايبـه
بيـومٍ عبـوسٍ مـنـه الأمــلاك تتّـقـي
والخلـق سكـرى , حاضـر الـرأي غايبـه
يـوم الحـسـاب الـكـل للـكـل داهــل
والكـل يبكـي مـادرى ويــش صـاربـه
ومـن هـول هـذا الـيـوم كــلٍ تـعـذّر
ولا واحـــدٍ إلا أنـيـخـت ركـايـبــه
ولا قـال نبـي غيـر أحمـد " أنـا لهـا "
جثـوا كلّـهـم ألا محـمـد يــلاذ بــه
تنبّـه وكـن فـي حــب طــه مــلازم
وليّـاك تـازي زيّ مـن خــاب جانـبـه
نهـارك تصـلّـي يافـتـى ألــف مــرّة
مردوفـةٍ تهـوي علـى الــذات واجـبـه
وباللـيـل تـقـرا ماتيـسّـر ومثـلـهـا
وهـذاك أدنـى مـاسـدى مــن حبايـبـه
شفاعـة نبـي الله تنـجّـي مــن الـبـلا
ومـن هـول يـومٍ فيـه الاجبـال ذايـبـه
ومـــاذاك الا رحـمــة الله لـلــورى
شفيـعٍ تـرى ماحـل مـن هـول زال بـه
هـداه الـذي يسمـع نـدا كـل مـن دعـا
قريـبٍ مجـيـبٍ جــل معـبـود دايـبـه
خذ فـي يـدي أقولهـا فـي وغـا الحشـر
وفــي دي منـيـعٍ صاحـبـي واقـاربـه
منيع المسمـى وانـت تـدري بمـا جـرى
وجـدّي وجـدّه مـن معالـيـك صالـبـه
علـى ذاتـك العليـا صـلاةٍ مـدى الدهـر
مـاكــرّر الله الـجـديـديـن دايــبــه
تغشّـاك ياخيـر الـورى كــل مــاذرى
هبـوبٍ وكـل ماسحّـت بالأنـوا سحايبـه
علـى القبّـة الخضـرا تــروّي وتنثـنـي
علـى الآل والصحـب الـكـرام الأطايـبـه
نبـيٍّ جليـلٍ جـل مــن جــل شـانـه
وأعلـى مكانـه , واصطفـى منـه جانبـه
ومـدح الـورى للمصطفـى مثـل ماتـشـا
حبّـة رشــادٍ فــي طـوامـي غبايـبـه
مـا المـدح ممـا يطـلـب الله بالـكـرى
ويقـتـات بـالأقـوات والـمـاء شـاربـه
فلـو هـي بحـورٍ سبـع ومعهـا مثلـهـا
مـداد وقــام الخـلـق بالـعـد قاطـبـه
واقــلام نــورٍ لا يقـومـون بالـمـدى
وجنـود رب الـكـون بالـكـون كاتـبـه
مـا أحصـوا فضايـل أحمـدٍ أو توصّـلـوا
للمركـز الـلـي رب طــه حـبـاه بــه
كفى مـدح رب الكـون مـن سابـع سمـا
في حـق طـه بعـض الآيـات جـات بـه
ب( ياسيـن ) والسبـع المثانـي وغيرهـا
يكفيـه مــدحٍ ب الأربــاب فــاه بــه
كفـى وأختصـرنـا مــاورا الله مــادح
من قـال: صبـت المـدح أخطـأ بصايبـه
عزيـزٍ عليـنـا دونـهـا كــل مــادح
سـوى الله مـا أدّى مـن المـدح واجـبـه
واشعـارنـا تـجـري ثــلاثٍ وغيـرهـا
سـراب ولا يــروي ســرابٍ لشـاربـه
ومن قـال شعـرٍ فيـه مـا يسخـط المـلا
فالشيـن ياصاحـي لـه النفـس شـاربـه
وقـد قلـت أشعـار المـلا هــي ثـلاثـة
مـن رأي فكـرٍ حـل قلبـي وجـال بــه
شعـرٍ يمـوت وصاحبـه حــي مافـنـى
وشعـرٍ يعيـش بحـد ماعـاش صاحـبـه
إلـى عـاد سـمـرات الليـالـي تـدولـه
وقـبـلات أيــامٍ كـأعـيـاد سـاكـبـه
ترى النـاس مـن فـجٍّ عميـقٍ تجـي لـه
وتـجـري مدامعـهـم والأرواح هـايـبـه
فـلا مـات مـن هـذي بقايـاه فـي المـلا
لاعـاد بالتـكـرار يثـنـي ثـنـاه بــه
ويـازي مـن الأشعـار شـعـرٍ مـذبـذب
لا الدنيـا فـاز بهـا ولا الديـن فـاز بـه
وأزكـاه مـمـا قـيـل مـاكـان شـافـع
ومـا فـات مابـيـن البـريّـات جايـبـه
مضـى ذا وعدنـا فـي منـيـعٍ وقـومـه
ومـا خـط بارينـا فالأقـدار جـات بــه
خطـبٍ جـرى ولحبـة القلـب قـد فــرى
وقـت الكـرى لـمّـا دهتـنـا مصايـبـه
دهى حالتـي وألـوى بخلّـي مـن الـورى
منيـع الـذي روحــي لفـرقـاه ذايـبـه
ألا ليـت نجـم سهيـل أنبـا بمـا جــرى
فيحق مـن حـش الحشـى ويـش صاربـه
هـات الـدواه وربّـص الــزاج يافـتـى
واختر مـن القرطـاس طلـحٍ وهـات بـه
وكــن صـاحـي واعٍ أديــبٍ مـهـذّب
وليـاك تـازي ذاهــل الــراي غايـبـه
وافهـم كلامـي يانمـا صـلـب مهجـتـي
وشـق الفـؤاد وخــل يمـنـاك كاتـبـه
ماصـاب قلبـي مـن سليمـان صاحـبـي
ومابـه لنـا عـن شـر الأقـدار جالـبـه
ومـا شـاق حسّـادي وماشـق مهجـتـي
وما هاض من قلبـي كوانـي وغـاص بـه
لسانـي وانسـانـي ونــوري ونـاظـري
وجـودي وماجـودي مـن الخلـق قاطبـه
وروحـي وريحانـي وراحــي وراحـتـي
منيـع الـذي مـن كـل ماطـاب طايـبـه
فتـى طـال بالعليـا علـى شامـخ الــذرا
وكثير الـورى مـن عيـن عليـاه شاربـه
حـوى ماحـوى مالديـن والمجـد والهـدى
ومن كـل مرقـى طـال معنـاه طـال بـه
جرى ماجـرى والحـي فـي سجّـة الكـرى
وبـدر الدياجـي ظافـي الـنـور غايـبـه
مــرٍّ يغـيـب ومــرّ بالغـيـم يتّـقـي
مـا أدري غــدا أو غـاديـات مغايـبـه
أوبـه غـوى مطغيـهٍ فـي زايـد الضّـيـا
واغــراه حـتـى نـكّـس الله حاجـبـه
أو صــاب للسـيّـار مـاصـاب راشــد
غبـنٍ بــراه وحـبـة القـلـب ذايـبـه
كنّـي ونفسـي نـايـمٍ فــوق هامـتـي
غرابيـب سـودٍ واصبحـن يـوم جالـبـه
رأى البـوم حـالٍ قـد تـولّـى وزارنــي
فـلا مرحبـا بالـبـوم لاحــي غايـبـه
متـى شـاب راس الشـاب وأبيـض لونـه
فقـد فـات مـن عمـر المعنّـى أطايـبـه
فليـا فـات لـه ياصـاح سبعيـن حـجّـه
فمـا البيـض فـي لامـاه بالعـون راغبـه
غـدا مثـل شمـسٍ جـات تبغـي مغيبهـا
فـي راس طـودٍ شامـخ الطـود غـاربـه
تخلّـى عـن الدنيـا وخـلّـى شطونـهـا
مـا عــاد بــه الا مـلاقـاة صاحـبـه
محـا الله بـومٍ انحـس الصـوت صـوتـه
مـن الــدار مــا مـثـواه الا خرايـبـه
دهانـي دهـاه الله فــي لــذّة الـكـرى
والـروح منـي حـيـن مـدهـاه غايـبـه
نعق لـي بصـوتٍ سـر لـي فيـه مـادرى
رفيـع الـذرا بأخبـار مـا البـوم جالـبـه
إلى صوب من صِيب الحشـا مـن مصابهـم
منيـع الـذي بـه حالـتـي دوم تاعـبـه
علـمٍ شنيـعٍ شـاع طاريـه فـي الـورى
علـيّ وعلـى خـلّـي تـوافـد جلايـبـه
وقلـبـي قـديـمٍ واحـــلٍ ذا وحـــاذر
أوصيّـه حتـى ملّنـي مـن وصـاي بــه
إلـى قلـت لـه قـولٍ يـدلّـي يلومـنـي
حتّـى دهتنـي فـيـه أكـبـر مصايـبـه
علـى ذا فلالـي حـظ نفـسٍ مـن الولـي
ولا لــي مــرامٍ كــون ذلّ الزلايـبـه
قـد قلـت لـه : ياصاحبـي حـيّ حيـهـم
بالسـيـف لا تخـشـى لـضـدٍّ تحـاربـه
وعـزّة حمـاهـم يــا حمـانـا فذلـهـا
بـراس العـلا ومطـرّق الـحـد خاطـبـه
ولاتعـف عمـن لا يـرى العـفـو مـنّـه
فالضّـد عفـوٍ عـنـه يـقـوي رعايـبـه
وقـد قلـت لـك قـولٍ قديـمٍ بـه الــدوا
ويكفـي منيـعٍ لـو تبعنـي وحـاط بــه
اسـق الّلـدان وخضّـب البيـض منـهـم
ومـن جـاك منهـم صاحـبٍ لا تصاحبـه
فـلا طاعـك الا مـن فـرى الـزان جنبـه
ولا هابـك الا مـن وطـا السيـف غاربـه
وحريـب جـدّك لــو صـفـا مـايـودّك
وعينـاه لـو تبكـي لـك الــدم كـاذبـه
وحـذراك لـو قـال : أنـا هـاك دونــك
روحـي فـداك وفـي مـلامـاك راغـبـه
حلـو اللـسـان ومخـفـيٍ كــل سـيّـه
والقلـب حـر النـار مــن دون لاهـبـه
متمـلّـقٍ يـغـري الغشـيـم بمحـبّـتـه
ويغـوي لمـن لا غـاس بحـر التجـاربـه
فالليـث شانـه - شـانـه الله _ كـاظـم
ومـن حيـن يبـدأ النـاب تحـذر مخالبـه
فأحـذر حريبـك فـي المـلا فـرد مــرّة
واحـذر صديـق السـوّ ألـفٍ تحـاط بـه
كـم حـاربٍ يلقـاك فـي ثـوب صـاحـب
شفـقٍ عليـك ومظـهـر الــود جانـبـه
وحـذراك ضـدّك لا يــرى فـيـك رقّــه
دكّ الجبـال وعــضّ بالغـيـظ حاجـبـه
ومـن هـان نفسـه للمـلا هـان قــدره
حتـى تشـوف الــذّر يسـعـى بغـاربـه
قــم يارفـيـع الـجـاه فيـهـم بـغـاره
كمـا أسـد غـابٍ يرهـب اللـي يتاعـبـه
وكـن بـاز فـي ذات الجناحيـن يافـتـى
وضرغـام غـابٍ منـه الأشبـال هايـبـه
مـن لا يعـدي عــن مـراعـي جــدوده
بالسيـف عـدّي عـن مـراعـي ركايـبـه
ومـن لا يـرد الضـدّ بالسـيـف والقـنـا
ويحمـي الحمـى تطمـع عليـه الثعالـبـه
ومـن لا يباشـر شـرّ الأشـرار والـعـدا
يوطـا وكـفّ عــداه لحـمـاه خـاربـه
ومـن لا يـراه النـاس يخـشـاه ضــدّه
مذمـوم حـال وهانـت أعــداه جانـبـه
ومـن لا يـدوس أعـداه فـي ثـوب عـزّه
وفـي بـاس ضرغـامٍ طــوالٍ مخالـبـه
والا فـداس أعـداه مـن فــوق راســه
ومـن ديـس راسـه ماتبالـي مضـاربـه
ومـن كـفّ شـرّه عنـد الأشـرار ضـرّه
وبالشـرّ ينمـي كــل خـيـرٍ لصاحـبـه
ومـن لا يـذود الـذود عـن حـوض ورده
بالسيـف والا ســوف تضـمـا ركايـبـه
فالـشـرّ مـــا يـنـحـال إلا بـــردّه
ودون الظّبـا ماحـال مـن عـال نايـبـه
فلـولا الظـبـا مــا وحّــد الله جـاحـد
شـك القنـا والمشرفـيـات جــات بــه
وحـذراك تبقـي راس مـن هـان قــدره
فكـم فـارسٍ أفنـاه مـن لا يقـاس بــه
وراسٍ تقـصّـه تكتـفـي بــاس شــرّه
وروحٍ بـلا راسٍ فــلا جــات حـاربـه
قـس العقـاب وحاضـر الـمـوت سـمـه
ويفنـى مـن الدنـيـا بـأدنـى عقـاربـه
فـــلا آفـــةٍ إلا بـلاهــا بـدونـهـا
واظهـار عجـزٍ فـي البريـات قـال بــه
مـن لـه أتـت سبـع السمـوات طـاعـة
والخـد تسعـى جـات تخـشـى مـداربـه
ربٍ علـى ماشـاء مــن شــي قــادر
عليهـم بالشيـا واسـع الحـلـم جانـبـه
مضى مامضـى ياحـي بالأمـس وانقضـى
والغـد مـا يـدري الفتـى كـان صاحبـه
وترى أبرك ساعـات الفتـى مابهـا الفتـى
ومـا فـات مـات وساعـة الغيـب غايبـه
والعمـر عــدّه غــارةٍ ولــد سـاعـة
إلـى فـات هـل تعطـى لعـمـرٍ يقـاربـه
والـروح مـا ولّـى بهـا المـوت تنثنـي
وعصـر] تـولّـى مــا ليالـيـه آيـبـه
ومـا للفتـى روحٍ ســوى روح نفـسـه
مكـان الـذي ولّـى بهـا المـوت نايـبـه
فأغنـم متـى لاحـت مـن الوقـت فرصـه
وان هـب نسنـاسٍ فـاذر فـي سوايـبـه
فالاكـوان محكـومـات والــرب حـاكـم
والـرب مـا يــدرى بسكـنـا هبايـبـه
ولاصحـة الإنسـان تبقـى مـدى الـمـدى
لابـد مــن بـلـوى ونـوبـات نايـبـه
فــلا شــي الا لــه مــن الله ضــده
ولا حـال فـي الدنيـا علـى حـال دايبـه
وحيـاةٍ بــلا عــزٍ مـحـا الله حظـهـا
حيـاة الفتـى مـا فاتهـا الـعـز خايـبـه
إلـى عــاد لا سـيـفٍ تتـقّـى بظـلـه
ولا الدنيـا فـزت بهـا ولا الديـن طالبـه
وفي كـل شعـبٍ شـاع فـي النـاس ذلـك
وعشـب الغبـن ترعـاه والـذل شـاربـه
فـالــذل داءٍ لـلـظـواري يـسـلّـهـا
كمـا سـل داء السـل معلـوق صاحـبـه
فــلا صـابــرٍ لـلــذل إلا مـجـبّـن
وعنيـن قـومٍ مـالـة البـيـض ظـاربـه
بـرى مهجتـي غبنـي وروحـي وسلّنـي
وحالـي دهـى وانـذاب بـالـذل غالـبـه
فالـى عادنـا فـي الـذل ياسيّـد الحـمـى
فأنا المـوت أولـى لـي وأحلـى مشاربـه
والـحـر يخـتـار الـفـنـا دون ذلّـــه
والـمـوت أشـلـى مــن لاة الزلايـبـه
ومـن عـاش ماحـاش الثـنـا والمـعـزّه
ولا ســاد حـسّـاد ولا فــاز طـالـبـه
ولا ساجـدٍ وبـل السمـاء يستـقـى بــه
ولا ماجـدٍ سامـي مـن الضـيـم لاذبــه
ولا فـارسٍ نـدب بــه الخـيـل تتّـقـي
ولا عــاد للهشّــال بـسّـام حـاجـبـه
ولا مهـرة] قـبّـا مـنـى كــل فــارس
نجـاة الفتـى مـا غـارت الخيـل طالبـه
ولا طفلـةٍ عفـرا مـنـى كــل خـاطـب
عـلـى مـاجـد خطابـهـا دام خاطـبـه
ولا عــدّ غــرسٍ للسـوانـي مـجـرّب
ولا فاطـرٍ كومـا هـوى شـف صاحـبـه
ولا هجمـةٍ مـن نـادر الـبـوش حـلـوه
ولا شنّـةٍ شمطـا مـن الـسـرح حالـبـه
حيـاةٍ عداهـا الـعـز والمـجـد والثـنـا
حيـاة العنـا ليـسـت لـحـرٍ مناسـبـه
لي ضاع عمر المرء في ( ليت ) أو ( عسى )
فكثـر التمنـي مابنـى بـيـت صاحـبـه
فلو ( ليت ) تنفع أو ( عسى ) أو ( لعلّنـا )
ادمنـا ولـكـن ماخـبـر عــز جاتـبـه
إذا مـا الفتـى أمسـى عـن العـز عاجـز
وأمسـى بهـا مـع كـل عـذرا وصايـبـه
وقـد قالهـا قـومٍ غـدوا فــي ديـارهـم
أحاديـث قـومٍ صـبّـح الـحـي ناهـبـه
فلو ( ليت ) ترفع حـال مـن شقّـة الشقـا
وتطفـي سعيـرٍ بالحشـا شــبّ لاهـبـه
وتشفـي غليـلٍ بــات بالقـلـب غـلّـه
وتكفـي عـن المقصـود مـا نـاب نايبـه
لـك الله مـا تلقـى حزيـنٍ مـن الــورى
علـى فقـد مـا قلنـاه لـو فـاد ساكـبـه
لحقنـا عـلـى عـصـرٍ قـديـمٍ لجـدّنـا
ولا قيـل سـال ب( ليـت ) حـرٍّ مطالبـه
فـلا بالتمنـي تبـلـغ النـفـس حظّـهـا
ولا بالتـأنـي فــاز بالصـيـد طالـبـه
فكـم عـام شخـصٍ والتمـنّـات حـظّـه
وكـم فـات صـيـدٍ بالتئـنّـات غالـبـه
فــلا نـــال لـلآمــال إلا مـخـاطـر
وخــوّاض بـحـرٍ والمنـايـا غبايـبـه
فتى لا يـرى شـيٍ ورى مـن بـرا الـورى
ولا للـعـلا أصـفـى بالأفـعـال جانـبـه
فـيـا مـاجـدٍ هــام الثـريـا مقـامـه
يـرى زهـرة الدنيـا مـن أدنـى مطالبـه
فتـى لا يـرى فـي دار الأكـدار منّـصـب
أمّــا سـنـام الـعــز والا نصـايـبـه
مقـام الفتـى فـي منصـب العـز ساعـة
ولا ألـف عـامٍ يصحـب الــذل جانـبـه
ترى العـز لـو بالنـار زيـنٍ علـى الفتـى
والـذّل لـو بالخـلـد مــازان صاحـبـه
وفتـى العـز لا يرضـى بـذلٍ ولـو ولـو
ولو فـوق جمـرٍ هـان فـي العـز لاهبـه
ومـن بــات رهــنٍ لـلـولا والمـذلّـه
أضحـى عديـم الـعـز مــأوى نهايـبـه
إذا كــان حـكـمٍ فـيــه ذلٍ لـحـاكـم
فـي كـل حـالٍ تملـك أعــداه غـاربـه
ومـن تملـك الأعـداء زمـامـه تـقـوده
فـأن طـاع والا فالضبـى البيـض غالبـه
ومـن قيـد بزمـامٍ فـهـو فــي مـذلّـه
ولـو كـان مـن فـوق الثريـا مناصـبـه
ومـن عـاش فــي ذلٍ حيـاتـه نـكـاده
يشـوف غبنـه ناصـبٍ بـيـن حاجـبـه
والغبـن شيـن] يـدنـي الـحـر للفـنـا
ومــا فنـيـت الأحــرار الا بغـالـبـه
والـروح يرخـص دونهـا كـل مـا غـلا
سـوى الله ماعيـنٍ مـن المـوت غايـبـه
فيامرتـع الضيفـان فـي الليـن والقـسـا
وياخير مـن فـي النـاس ترجـى وهايبـه
مـن راقــب الرحـمـن لابــد يتّـقـي
ومـن هـاب مـن رب السمـاء لان جانبـه
ويـــازي عـزيــز الـنـفـس لله درّه
وتـبـدي حسنـاتـه لـمـن لا يقـاربـه
والحـر مهمـا عـاش فـي الـدار يبتلـى
ولا يبـتـلـى يـاصــاح الا حبـايـبـه
وعصـر الفتـى يعطـيـه مـامـر تــاره
ويعطيـه تـارةٍ فــوق مـاسـر جانـبـه
فأصبـر علـى خبـث الليـالـي وطيبـهـا
فـلا عــاد صـبّـارٍ وأيـاديـه خايـبـه
فـمـا أنـقـادت الآمــال الا لـصـابـر
ويكفيـك قـول الله فـي حــق صاحـبـه
والصبـر خـيـر مــا تأمـلـت يافـتـى
بالعـز لـو مـامـال تـضـوى ركايـبـه
والصـبـر خـيـرٍ قـالـه الله لـلــورى
وأوصـى بـه للمصطفـى مـن حبايـبـه
وفـي الصبـر ألطـافٍ خفـيّـات قالـهـا
ولـكـل مـكـروبٍ لـلأفـراج جـالـبـه
فأصبـر قلـيـلٍ يامنـيـع ولــو ولــو
ولـو فلـذتٍ مـن قطعـة القلـب دايـبـه
تـرى الصبـر مفتـاحٍ لـلأفـراج كلـهـا
ولـو هـو بريقـك مـر حـلـوٍ عواقـبـه
فمـا بـيـن غفـلـة مقـلـةٍ وانتبـاهـه
فـلا ينـدرى مـن أيـن تـذري هبايـبـه
وكثيـرٍ مـن الأشيـا عـن العبـد تنّقضـى
وهـي عنـد أهـل العلـم والحلـم واجبـه
عـنـد الــذي لله فـــي الله حـبـهـم
رجــالٍ عـلـى التـقـوى دوامٍ تراقـبـه
يحبـون فـي بـاري الـورى كـل خـيـر
لله يـرضـى بالقـضـا مــن مصايـبـه
وتسلـيـم أمــر الـعـبـد لله واجـــب
حـقٍ يقيـن وكـل شـي مــن وهايـبـه
اسلـيـك والتـسـلات ياسـيّـد الحـمـى
تسـل الحشـى منـي وللـحـال سالـبـه
اسلـيـك بلسـانـي وقلـبـي يلـومـنـي
يبغـى مقـام العـز لـو فــوق ثاقـبـه
صبرنا على البلوى ومـا جـا مـن السمـا
وشلنـا حمـولٍ فـوق مـالا يطـاق بــه
والصبـر محمـودٍ علـى كــل مـاجـرى
إلا إلـــى أدى إلـــى ذلّ صـاحـبــه
وصبـري حياتـي غايـة الــذل والـبـلا
وصبر الفتـى فـي الـذل أدهـى مصايبـه
فإما تقمّـص ثـوب ( أيـوب ) فـي البـلا
صبرٍ _ وانـا مـا أرضـاه والـذل جانبـه
فمـن سـلّ سيـف العـز للـيـث قــاده
ومـن لا يسـل السيـف فالقـرد قـاد بـه
ومـن لا يعـدي عـن حيـاضـه تـشـرّع
ومـن لا يكـرم لحيتـه حـلـق شـاربـه
وإلـى حلـلـت بــدار قــومٍ فـدارهـم
مراعـاة قـول الله وفـي الشـرع واجـبـه
إن كـان هـم مـمـن يـعـزّون جـارهـم
والا فمـثـلـك واضـحــاتٍ مـذاهـبـه
إلـى الحـر ضاقـت حيلتـه ثــم ذلّــت
تصفـق بـه الدنيـا ومــرت مشـاربـه
فلا يتّخـذ فيهـا سـوى البيـض صاحـب
فــلا ذلّــت الأعـنـاق إلا لصـاحـبـه
فـإن كـان مـا للحـر حـظ] مـن التقـى
يواقـي , ولالـه منصـلٍ عــز جانـبـه
ولا لـه مـن الدنيـا لسـانٍ يـزيـد بــه
علـيـا ولا ركــنٍ شـديــدٍ قـرايـبـه
إلـى ضـاق دارٍ بـه عـن الـدار غيرهـا
بدلهـا ولا غبـنٍ بــه الــروح ذايـبـه
والـدار مـا يحـصـر عليـهـا وليـدهـا
دار الفـتـى مـاطـاب فيـهـا مكاسـبـه
فكـم مـن فقيـرٍ عـن ديــاره تـحـوّل
فـي غيرهـا وامسـى بـهـا ماتحاسـبـه
والـــدار دولابٍ بـالأقــدار دايــــر
والخـلـق لـلأقـدار تــازي مـداربــه
ومـوت الفتـى فـي ماقـف الـذل حسـره
ومن مات مغبـونٍ مـن الضـد عـار بـه
وفـي الـرأي يـا مشكـاي خمـسٍ تعجّـل
ونـقـصٍ تأخـرهـا جــرى بالتجـاربـه
الجـذّ , والتزويـج , والـحـرب للـعـدى
والفرض , والقـرض الـذي فـي مواجبـه
وصفـات المعالـي شامـخ الطـول عزهـا
وحـرام علـى مـن نـاد بالـذل جانـبـه
تهـزّا علـى الخطّـاب تبـغـى صداقـهـا
ثـلاثٍ علـى الخطّـاب علـيـا صعايـبـه
تبـي العـز بالسيـف اليمـانـي وجفـنـه
وكـفٍ كريـمٍ قـط مـا خــاب طالـبـه
ثـلاثٍ علـى غـيـر الـخـلاوي تـكـوده
إلا منـيـعٍ سـيّــد الـحــي زاهـبــه
رجـا الضيـف والسيـف اليمانـي يزينـه
وبالـجـود تـيّـارٍ تطـامـى غبـايـبـه
قالـوا لهـا هــذا الـخـلاوي يسـومـك
صعلوك حـالٍ مـا سـوى الغـوج راكبـه
فلـبّـت واجابتـنـا وسقـنـا صـداقـهـا
وقالـت هوانـا فـي الخـلاوي وصاحـبـه
فخذهـا عسـى الرحمـن يحظيـك عـزهـا
وأقبـل فـتـاةٍ فــي مـلامـاك راغـبـه
أبت فيك خطّاب الـورى يـا حمـى الـورى
إلا لـك تسعـى جـات لحـمـاك طالـبـه
تبي منـك ثـوب وحلّـةٍ مـن شبـا الظبـا
وإلا الـردى لـدّن الردينـي تصـاب بــه
مهـرة ملـوكٍ أن كـان ماصيـن عرضهـا
بالسيـف والا بـه يــد أعــداه لاعـبـه
المـلـك تــاجٍ مـالـه الا المـصـونـه
ومـن لا يصونـه ينـزع التـاج واهـبـه
ومـن خـوّل النعـمـا فـيـدّي حقوقـهـا
ومـن لا يـود] حــق نعـمـاه زال بــه
ومـتـزوّج الـغـذرا يــودّي صداقـهـا
حــقٍ يقـيـنٍ مـثـل مالله قــال بــه
فشكـرٍ علـى النعمـا وصبـرٍ علـى البـلا
ونيـل الفتـى ماجـاه واشـقـاه لاغـبـه
فكـم حاكـمٍ زالـه عــن المـلـك زلّــه
أضحـى وكـف عــداه لحـمـاه ناهـبـه
فــي ذاك قــول الله لاشــك صــادق
ربٍ تعالـى كــل مـاشـاء قــال بــه
وأمر افتـى فـي عالـم الـذر قـد مضـى
وماصاب مـا اخطـا ومـا اخطـاه غايبـه
ولابـه ســوى مــا قــدّر الله للفـتـى
ومهمـا جـرى رب السمـوات جـاء بــه
وحتف الفتـى ماصـاب نفـس مـن المـلا
الا بـتـقـديـرٍ مــــن الله كـاتـبــه
فلا حـان حتـف الـروح مـن دون حينهـا
ولا حيـنـهـا الا مـــن الله نــادبــه
والأرواح زرعٍ والمـنـايـا حـصـيـدهـا
والـمـوت عــدّ وزرع الأرواح شـاربـه
ولا يــــدٍ إلا يــــد الله فـوقـهــا
ولا غـــال[ إلا لـــه الله غـالـبــه
وتـرى كـل شـيٍ مـا سـوى الله باطـل
ومـن لا يصـيـب الله لا شــي صايـبـه
فأسمـع مشـوره ياحمـى الجـار راشــد
والـعـز مــن رب السـمـوات واهـبـه


للشاعرالمرحوم:راشدالخلاوي


قصيدة رائعة لإحدى المدارس الشعرية الشاعر الكبير راشد الخلاوي شكرا على الاختيار الموفق

http://img267.imageshack.us/img267/1439/29as9.gif
http://img174.imageshack.us/img174/2812/43xy2.gif

يعطيكم العافيه على القصائد الجميله لأسطورة الشعر النبطي الشاعر : راشد الخلاوي رحمه الله
بارك الله بكم , و شكراً لكم ...