كان الشاعر بدر الحويفي هو البادي بقصيده يعزم فيها عبدالله بن نايف بن عون العتيبي

ويعزم الشاعر عبدالله بن زويبن الحربي .

يقول الشاعر بدر الحويفي





انـا مـن العتبـان ناديـت رجـال =وايضاً معه من حرب رجـال ثانـي
نبي لنا جلسه علـى كيـف بـدلالوسوالـفٍ فيهـا قصيـد ومعانـي
شعرٍ نقي ماهـو تصانيـف جهـال تعبيـر فـن معاصريـن الزمانـي
هذا الهدف واللي طرالي على البال =شوف الرجـال معربيـن المجانـي
من خيرت الشعار ذربيـن الأفعـالعنـدي لهـم تقديـر سـر وبيانـي
من خيرت العالم عـوارف وعقـال =وبالمرجلـه مقـدارهـم مايهـانـي
والناس كـلٍ لـه مكانـه ومنـزال= والأرض كورتها رفـاع وطمانـي
هذا مثل من ضمن الأمثـال ينقـال= وساس الحجر يرفع حصون المباني
مني لهم تقديـر فـي كـل منـوال= يشهد على مضمـون قلبـي لسانـي
ارسلتهـا يـم النشـامـا بـجـوال =اطلـب زيارتهـم يجـون بمكانـي
لاسيروا يمـي وشاهـدت الأبطـال =فرصه سعيده مثل عيـد رمضانـي
وجهت عشر ابيات من هيض الأمثال =وذكرتلي موجـز صحيـح وكفانـي


رد عليه الشاعر عبدالله بن نايف بن عون بهذه القصيده



يعيش راعي دلةٍ مالهـا اشكـال من فايـدت فنجالهـا مانسانـي
من يوم دق بهارها عبر الأرسال =صكة عليّ بريحـة الزعفرانـي
لو دونها حالت مسافات الأميـال =هب الشمال بريحها لين جانـي
ومنها على الهاتف تقهويت فنجال= هيله من الحبشي وبنـه يمانـي
من موردٍ ياليتنـي منـه مكتـال= لاشك صعب السلم عنه ايحداني
يكتال منه اللي ليا اختار ماعـال= وليا وسم ماياسـم إلا السمانـي
امثال ابو سلمان كساب الأنفـال = اللي يحاكينـا بسحـر البيانـي
له سمعةٍ تبقى الى تالـي التـال= ابين من المشعل على ضلع اباني
فرايدٍ غنت بهـا النـاس مـوال= يلجا لها اللي من همومه يعانـي
يابن زويبن جعل تفداك الأنـذال =ماعدك إلا واحدٍ مـن خوانـي
نبي نزور معرب العم والخـال =اللي على الهاتف دعاك ودعاني
ناخذ لنا عند اصبح الوجه مقيال =حنا شفاويـه وهـو مرحبانـي

الشاعر رشيد الزلامي

رفْقة رديّ المعْرفه بعْتها دَيـن =على زبونٍ ضَمّها واحتضَنهـا
بغى يجيني بالثمن قلت : بعْدَين =أمسك فلوسك لين ننشدْك عَنْهـا
ما بعْتك الاّ سلعةٍ يا احْمر العين =أبيعهـا وأبيـع حتـى ثمنهـا
والله ما ابا فيها ثمن لوّ قرشين =بسّ المهم انِّي تخلّصْـت منهـا

الله - الله - لمثل هذا فلنقرأ ولنستمع انه الشعر الاصيل ولاغير


تقبل وافر الشكــــــــــــــــــــــــــــر