أبو سلطان
12-01-08, 07:11 PM
يسرني ان انقل لكم هذه القصيدة وهي قديمه نوعا ما ،، وهي للشاعر سعد بن مقبل بن عيسى الحريري العنزي .
يقول من جزل القوافي بدع فيـه= طيب المثايل من ضميـره نظمهـا
شعر ٍ بزينات المعاني امسويه=وفوق الصحيفه قيفة ٍ له رسمهـا
من بعد ماهاضت خواطر اتّشفيـه=عواطف تخرج على مـن حكمهـا
يالله ياللي كـل مخلـوق يرجيـه=يامن دقيقـات الخفايـا اتعلمهـا
انك تبعدنـا عـن الغـي والتيـه=بدنيا تداخل نورهـا مـع ظلمهـا
وتوضح لنا درب الرشاد ومباديـه=.وتجعل لنا خير الامور ودعمهـا
دنيا تغيـر ماعرفنـا لهـا جيـه=وصارت خيار الناس تتبع خدمهـا
والمجد كل ٍ بالحشا يدعـي فيـه=ونسيت افعول ٍ ماضيات سهمهـا
مواقف ٍ حتى التواريـخ تطريـه=والغرب سجل من نوادر عظمهـا
يامد شيخ القـوم فالقـوم تتليـه=وعلى المعادي لبسوهـا عسمهـا
وعادوا بكسب معظمات المشاريـه=وكل ٍ اخذ قسمـه وراح ووسمهـا
وياصاح صايح قالوا الناس لبيـه=ان روحوا بابله ووخـذت غنمهـا
وركبوا على قب ٍ وساروا مساريه=والخيل طيّر فالصحـاري كتمهـا
ويامنهم لحقـوا وبانـت محاريـه=تباشـروا والكـل ربعـه لزمهـا
وثار العجاج وشاف كـل ٍمعاديـه=وكل طمع يبغى الخصوم ايهزمهـا
حصل الطراد وصار بالقوم تشويه=ثم انجلا الدم الحمر عـن لحمهـا
وطاحوا رجال ٍ بالمواقف مواجيـه=وبان الجريح وعودوا في حطمهـا
كم فارس بالكون قطعـت علابيـه=وكم سابق ٍ قامت تخطف نسمهـا
عادات بدو ٍ كل خصـم ٍ اتلافيـه=تنشـر دماهـا باللقـا إلشيمهـا
مدهالة الضيفان والجـار تحميـه= وعاداتهم مبطي عريـق ٍ قدمهـا
مزبانة المضيوم والضيف تقريـه=واجموعهم بالكون محد ٍ قسمهـا
أهل الجمايل والحمايـل اتراعيـه=وعلى النسب والطيب ربي خرمها
وياجاك متعطـي بيومـه اتعطيـه=واللي يقصر من ضميره خصمهـا
وراع اللواز م بالمواقـف اتبديـه=كـل ٍ يبـادر والثمينـه كصمهـا
وحيدهـم ملـزوم للـي ايخاويـه=يارافق السفـار صـار يخدمهـا
ونفسه ليا بانت مواقـف اتعديـه=دون الشرف والبنعمـه مارحمهـا
يمشي على نية سليمـه وتوجيـه=ويجت زينـه فالمجالـس دعمهـا
حق الوفا والعرف والطيب يعطيـه=ويدري الخواطر باللغـا مازرمهـا
اهل البيـوت البينـات المنابيـه=بيبانها للضيـف محـد ٍ وصمهـا
ونجر ٍ بها بالصوت يسمع مناديه=وادلال صفـر بالوزيـزة دحمهـا
الكيـف فيهـا للمسيـر ايقهويـه=بن ومعاه الهيـل يطـرد ظرمهـا
البـدو عـز ومكرميّـه وتنزيـه=ولاشك مـارب الخلايـق حرمهـا
مسكانهم ربي من الوسم يسقيـه=من مزنة ٍ غـرا عليهـم خرمهـا
وسحب ٍ تساقى بين سهله وودايه=تسقي مراها ثـم تسقـي وخمهـا
وتخضر منازيله وتنبـت مفاليـه=قطيطها مع هضبهـا مـع تهمهـا
وتزرع به الاعشاب والقطر مروية=نوارها يشـدى بياضـة رخمهـا
ترعى به القطعان والرمي حاميـه=لين المواشـي ماتحمّـل شحمهـا
وتقاصرت فيه الربوع المواجيـه=في فترة المرباع محـلا زعمهـا
هذا يمد وصاحـب ٍ لـه يباريـه=وهـذاك ذوده بالمراتـع نهمهـا
ووردوا على عدّ طويلـه مداليـه=وكل ٍ ابفرزة ليـن يقبـل عتمهـا
قرط الدلي مع جمة الطي توحيـه=والكل ذوده يـم حوضـه زهمهـا
الباديـه للـي عشقهـا اتسليـه=وا زين ممشاهـا وزينـة نغمهـا
ولا زال مجد الباديه نفتخـر فيـه=موارث ٍ محد استطـاع ايهدمهـا
ولاشك من يفخر ابجدّه وماضيـه=من واجبه بالطيب يرفـع علمهـا
ياعاد مالـك بيـنّ ٍ تستتـر فيـه=ماينفعك جـود الجـدود وكرمهـا
وصلاة ربي فـي كـلام ٍ امبدّيـه=على النبـي انقولهـا وانختمهـا
يقول من جزل القوافي بدع فيـه= طيب المثايل من ضميـره نظمهـا
شعر ٍ بزينات المعاني امسويه=وفوق الصحيفه قيفة ٍ له رسمهـا
من بعد ماهاضت خواطر اتّشفيـه=عواطف تخرج على مـن حكمهـا
يالله ياللي كـل مخلـوق يرجيـه=يامن دقيقـات الخفايـا اتعلمهـا
انك تبعدنـا عـن الغـي والتيـه=بدنيا تداخل نورهـا مـع ظلمهـا
وتوضح لنا درب الرشاد ومباديـه=.وتجعل لنا خير الامور ودعمهـا
دنيا تغيـر ماعرفنـا لهـا جيـه=وصارت خيار الناس تتبع خدمهـا
والمجد كل ٍ بالحشا يدعـي فيـه=ونسيت افعول ٍ ماضيات سهمهـا
مواقف ٍ حتى التواريـخ تطريـه=والغرب سجل من نوادر عظمهـا
يامد شيخ القـوم فالقـوم تتليـه=وعلى المعادي لبسوهـا عسمهـا
وعادوا بكسب معظمات المشاريـه=وكل ٍ اخذ قسمـه وراح ووسمهـا
وياصاح صايح قالوا الناس لبيـه=ان روحوا بابله ووخـذت غنمهـا
وركبوا على قب ٍ وساروا مساريه=والخيل طيّر فالصحـاري كتمهـا
ويامنهم لحقـوا وبانـت محاريـه=تباشـروا والكـل ربعـه لزمهـا
وثار العجاج وشاف كـل ٍمعاديـه=وكل طمع يبغى الخصوم ايهزمهـا
حصل الطراد وصار بالقوم تشويه=ثم انجلا الدم الحمر عـن لحمهـا
وطاحوا رجال ٍ بالمواقف مواجيـه=وبان الجريح وعودوا في حطمهـا
كم فارس بالكون قطعـت علابيـه=وكم سابق ٍ قامت تخطف نسمهـا
عادات بدو ٍ كل خصـم ٍ اتلافيـه=تنشـر دماهـا باللقـا إلشيمهـا
مدهالة الضيفان والجـار تحميـه= وعاداتهم مبطي عريـق ٍ قدمهـا
مزبانة المضيوم والضيف تقريـه=واجموعهم بالكون محد ٍ قسمهـا
أهل الجمايل والحمايـل اتراعيـه=وعلى النسب والطيب ربي خرمها
وياجاك متعطـي بيومـه اتعطيـه=واللي يقصر من ضميره خصمهـا
وراع اللواز م بالمواقـف اتبديـه=كـل ٍ يبـادر والثمينـه كصمهـا
وحيدهـم ملـزوم للـي ايخاويـه=يارافق السفـار صـار يخدمهـا
ونفسه ليا بانت مواقـف اتعديـه=دون الشرف والبنعمـه مارحمهـا
يمشي على نية سليمـه وتوجيـه=ويجت زينـه فالمجالـس دعمهـا
حق الوفا والعرف والطيب يعطيـه=ويدري الخواطر باللغـا مازرمهـا
اهل البيـوت البينـات المنابيـه=بيبانها للضيـف محـد ٍ وصمهـا
ونجر ٍ بها بالصوت يسمع مناديه=وادلال صفـر بالوزيـزة دحمهـا
الكيـف فيهـا للمسيـر ايقهويـه=بن ومعاه الهيـل يطـرد ظرمهـا
البـدو عـز ومكرميّـه وتنزيـه=ولاشك مـارب الخلايـق حرمهـا
مسكانهم ربي من الوسم يسقيـه=من مزنة ٍ غـرا عليهـم خرمهـا
وسحب ٍ تساقى بين سهله وودايه=تسقي مراها ثـم تسقـي وخمهـا
وتخضر منازيله وتنبـت مفاليـه=قطيطها مع هضبهـا مـع تهمهـا
وتزرع به الاعشاب والقطر مروية=نوارها يشـدى بياضـة رخمهـا
ترعى به القطعان والرمي حاميـه=لين المواشـي ماتحمّـل شحمهـا
وتقاصرت فيه الربوع المواجيـه=في فترة المرباع محـلا زعمهـا
هذا يمد وصاحـب ٍ لـه يباريـه=وهـذاك ذوده بالمراتـع نهمهـا
ووردوا على عدّ طويلـه مداليـه=وكل ٍ ابفرزة ليـن يقبـل عتمهـا
قرط الدلي مع جمة الطي توحيـه=والكل ذوده يـم حوضـه زهمهـا
الباديـه للـي عشقهـا اتسليـه=وا زين ممشاهـا وزينـة نغمهـا
ولا زال مجد الباديه نفتخـر فيـه=موارث ٍ محد استطـاع ايهدمهـا
ولاشك من يفخر ابجدّه وماضيـه=من واجبه بالطيب يرفـع علمهـا
ياعاد مالـك بيـنّ ٍ تستتـر فيـه=ماينفعك جـود الجـدود وكرمهـا
وصلاة ربي فـي كـلام ٍ امبدّيـه=على النبـي انقولهـا وانختمهـا