الخيال
08-11-09, 11:17 PM
قصة خليف المقرود مع الشيخ ساجر
(خليف) هذا جار للشيخ ساجر الرفدي من شيوخ عنزه المشهوريين وكانت مساكنه في الشمال بين رفحا ولينه وحائل.وخليف هذا من رعاة الأغنام أكرمه الشيخ ساجر وأسكنه بجواره.
كان الفارس ساجر الرفدي عنده طير اسمه حطاب وسلوقي اسمه خطاب ويوم من الأيام جاء (خليف)
وطلب من ساجر الطير والسلوقي يبي يقنص بهن وعطاه إياهن وراح يقنص بهن أثريه ضيّع الطير
والسلوقي هدّهن ولا رجعن دوّور ما لقى ورجع لساجر يبي يعلمُه ويعتذر منهُ جاهُ قبل غياب الشمس
بشوي وكان الشيخ ساجر صايم ومولّم القهوة ومبهرهَ وحاطه على جال النار والسبيل داكهُ من التتن
وحاطه بجنبهُ وإِيت يا خليف ودنق على راس ساجر يبي يحبهُ ويعتذر منهُ أثري شليله طرّ الدله
وكبها ورجع وطى على السبيِله واكسره وصارت اربع مصايب على ساجر من( خليف) الراعي
بدل مصيبة الطير والسلقه.
فقال القصيده التاليه:
البارحه يا خليف عزّي لحالي ..... مضّيت ليلي بين سهري والافكار
قالوا علامك قلت مماجرا لي ......لكن يوقد بالضماير سنَا نار
مصايبٍ ما شفتها باليالي ....... أربع مصايب صادفتني من الجار
الأوله حطاب يسوىعيالي ....... أشقر عديمٍ لإبرق الريش نثاّر
والثانيه خطاب ماله مثالي ....... شره على تيس الجميله إلى غار
والثالثه سويت بصفر الدلالي ....... وفاحت بهارتها بهيلٍ ومسمار
والرابعه عظم بتتن الشمالي ....... وأفلست منهن عند حزّات الأفطار
تعوكست يا خليف باول وتالي ....... من خلقت الدنيا فلا مثلها صار
يا ليت جتني قومٍ وخذت عيالي .......اصبر على عسر الليالي والامرّار
العمر يفنى وآخره للزوالي ........ ولو طالت أيامك ترى الوقت غدّار
ليا صرت أنا مهذا الرجالي ....... ومضّيت عمري مع طويلين الاشبّار
قدت السبايا مع فجوجٍ خوالي ....... وكم خيّرٍ هدمت بيته على الدّار
جيته بقومٍ يبعدون المدالي ........ سباع برٍّ فوق نزاع الازوار
إلى توجهنا رخص كل غالي ....... والفعل يظهر عند حتات الأوبار
واليوم يا رجال الشرف والمعالي ....مضّيت وقتي بين وردٍ ومصدار
ما شفت مثل خليف شين الخيالي .....من نشوة البدوان ما مثلها صار
مقرود ماله يا فتى الجود والي ....... وزودٍ على قرده كذوبٍ ومكار
(خليف) هذا جار للشيخ ساجر الرفدي من شيوخ عنزه المشهوريين وكانت مساكنه في الشمال بين رفحا ولينه وحائل.وخليف هذا من رعاة الأغنام أكرمه الشيخ ساجر وأسكنه بجواره.
كان الفارس ساجر الرفدي عنده طير اسمه حطاب وسلوقي اسمه خطاب ويوم من الأيام جاء (خليف)
وطلب من ساجر الطير والسلوقي يبي يقنص بهن وعطاه إياهن وراح يقنص بهن أثريه ضيّع الطير
والسلوقي هدّهن ولا رجعن دوّور ما لقى ورجع لساجر يبي يعلمُه ويعتذر منهُ جاهُ قبل غياب الشمس
بشوي وكان الشيخ ساجر صايم ومولّم القهوة ومبهرهَ وحاطه على جال النار والسبيل داكهُ من التتن
وحاطه بجنبهُ وإِيت يا خليف ودنق على راس ساجر يبي يحبهُ ويعتذر منهُ أثري شليله طرّ الدله
وكبها ورجع وطى على السبيِله واكسره وصارت اربع مصايب على ساجر من( خليف) الراعي
بدل مصيبة الطير والسلقه.
فقال القصيده التاليه:
البارحه يا خليف عزّي لحالي ..... مضّيت ليلي بين سهري والافكار
قالوا علامك قلت مماجرا لي ......لكن يوقد بالضماير سنَا نار
مصايبٍ ما شفتها باليالي ....... أربع مصايب صادفتني من الجار
الأوله حطاب يسوىعيالي ....... أشقر عديمٍ لإبرق الريش نثاّر
والثانيه خطاب ماله مثالي ....... شره على تيس الجميله إلى غار
والثالثه سويت بصفر الدلالي ....... وفاحت بهارتها بهيلٍ ومسمار
والرابعه عظم بتتن الشمالي ....... وأفلست منهن عند حزّات الأفطار
تعوكست يا خليف باول وتالي ....... من خلقت الدنيا فلا مثلها صار
يا ليت جتني قومٍ وخذت عيالي .......اصبر على عسر الليالي والامرّار
العمر يفنى وآخره للزوالي ........ ولو طالت أيامك ترى الوقت غدّار
ليا صرت أنا مهذا الرجالي ....... ومضّيت عمري مع طويلين الاشبّار
قدت السبايا مع فجوجٍ خوالي ....... وكم خيّرٍ هدمت بيته على الدّار
جيته بقومٍ يبعدون المدالي ........ سباع برٍّ فوق نزاع الازوار
إلى توجهنا رخص كل غالي ....... والفعل يظهر عند حتات الأوبار
واليوم يا رجال الشرف والمعالي ....مضّيت وقتي بين وردٍ ومصدار
ما شفت مثل خليف شين الخيالي .....من نشوة البدوان ما مثلها صار
مقرود ماله يا فتى الجود والي ....... وزودٍ على قرده كذوبٍ ومكار