البارحـه يـوم الاوادم خواشـيـع = في نومها وناعلى الكـوع واعـي
هم(ن)يمزع سترة القلـب تمزيـع = تقول ينهش ثومـة القلـب افاعـي
خذت القلم من بين روس الاصابيع = وحبيت اميز سيرتـي وانطباعـي
عزلت من صدقـان عطلةالاسابيـع = وعزلت من ضحك الوجيه الصناعي
وعزلت من بنين بامالـي مشاريـع = جميد برد ولانس الشمـس ماعـي
وعزلت من زرع الخلـي البلاقيـع = وعزلت من رفـع الثنيـه رباعـي
من نفعة اللـي ماطلبنـي منافيـع = جميلة(ن)في غيـر اهلها ضياعـي
في اسواقها ماعاد لشـري ولابيـع = لخطيت من رفقة طويـل الذراعـي
اللي على الرفقـه يسوقـه دوافيـع = هـذاك تشـرى رفقتـه ماتباعـي
امايشجعني علـى الطيـب تشجيـع = والايعلمنـي حمـيـد المسـاعـي
والا ليامنـه رمعـنـي روامـيـع = وضاقت على كل الفجوج الوساعي
جيته ويسرلي عسيـر المواضيـع = وخلاخفايا خاطـري لـه وسـاعـي
معرفته ماهـي معرفـة طماميـع = ماتنتـج الاالغطرسـه والضياعـي

قصيدة رائعه

ونقل موفق


كل الشكر لك مشرفنا القدير

نقل رااااااااااااااائع لك الشكر على ما نقلت

نقل جيد -ولكن لم تذكر شاعرها

القصيده لشاعر /سعد بن جدلان والشكر لمروركم والله يعطيكم العافيه

جيته ويسرلي عسيـر المواضيـع = وخلاخفايا خاطـري لـه وسـاعـي
معرفته ماهـي معرفـة طماميـع = ماتنتـج الاالغطرسـه والضياعـي


انتقاء مميز مشرفنااا القدير
لا حرمنا الله عطاءك المتفاني
وصح لسان الشاعر مدد بلا عدد
اختك في الله

قصيدة جميلة =======واختيار رائع ========= لك الشكر الجزيل يامشرفنا المتألق.