يالله يالـوالـي علـيـك التـدابـيـر
يالـرازق الخـلاق وأمـرك مطاعـي
بامـرك وتيسيـرك تسيـر المقاديـر
ومن خالف أمرك ما بها شك ضاعـي
جعل المـزون اللـي علينـا محاديـر
يسيـل مـن همالهـا كــل قـاعـي
والروض يسقي الروض من وابل الخير
عند الولي لا مـن ضاقـت وساعـي
حتى العشوب تزوف والأرض تخضيـر
لا شافها قلـب بـه احسـاس تاعـي
الخيـر مقبـل فاللـيـال المناحـيـر
الوسم طـاح وبـاذر العشـب فاعـي
يازين شوف السيل عقـب المعاصيـر
عقب الدهـور تزيـن كـل المراعـي
حتـى عطايـا الله بكـار ومعاشـيـر
لا من ضواها الليـل تمسـي شباعـي
والبدو ما يشـرون برسيـم وشعيـر
ما عادله في برحـة السـوق داعـي
وكـل يقـول الحمـد لله انـا بخيـر
ما به خسارة غير مصـروف راعـي
ويخيمـون النـاس وقـت المضاهيـر
كل علـى المطـلاع صابـه ولاعـي
وتشوف لا شرفـت فالعالـي عصيـر
بيت الشعر وتشـوف كمـن شراعـي
وفالبيـت قـرم لا لفـوه المسايـيـر
يذبـح مـن خيـار الذبايـح رباعـي
وحليـب خلفـات هجـال ومصاغيـر
ودلـه مسويهـا طويـل الـذراعـي
فلـة حجـاج مـع رجـال مناعـيـر
وسوالـف يصغالـهـا بالسمـاعـي
تبعد عـن القلـب الحزيـن التفاكيـر
ويرقد مهـوب يسامـر الليـل واعـي
حب البداوه وسط قلبي وانـا صغيـر
الله خلقـنـي فالحـيـاة اجتمـاعـي

صح لسانك

وسلمت على هالقصيدة

صــــــــــــــــــــــــــــح لســــــــــــــــــــــــــــانـــــــــك

ابيات جميلة كأنها عنقود عنب تقطف لأول مرة