بين سلطان اللسان وبيـن تحكيـم الضمايـر =لايضيع الحق يااهلـه والمخاطـر مدلهمّـه
نطرح الافكارونسـوّق لهـا والسـوق بايـر =قيمة الإنصاف والعدل انتهت من فكر الامّـه
مبحر وسط المحيط الاطلسي والمـوج ثايـر=وارتجف وجه البسيطه قبل تكميـل المهمّـه
فالمثل قالوا علـى الظالـم يـدورنّ الدوايـر=سلّم امره وانتهى همه علـى غيـره وغمّـه
ربما تنفع تظـر اللـي مـع الايـام حايـر=كلمـا يقـرا خبـر يبـرد حماسـه مايتمّـه
والأمور الجوهريه تسبـق ارمـوز البشايـر=كلها تجسّدت في شايـب(ن) يطـوي معمّـه
الأمل لو يسبقه طعم الأ لم يااهـل البصايـر=التفاؤل قلب نابض دايـم اضلوعـي تضمّـه
مارسمنـا بالفـراغ ولانظـرنـا للصغـايـر=يحسب من الميّتين اللي بـلا مبـدا وهمّـه
والفشل مشروع وامعلق على جنحـان طايـر=انتهى في بطن وادي ماانتهى في راس قمّـه
ما استفاد امحمد ابو ضياف من حكم الجزاير=ذاق طعم الموت في امر( ن) عظيم وسال دمّه
والقضا والقدر نرضا به لو ان الوقت جايـر=من قبل بالبحر الأحمر لاسبح يرضيـه جمّـه
ومن يجمع بالسلاح ومـن يجمـع بالذحايـر=تهمة الإرهـاب بالبـارود لـو انـه يشمّـه
وش ندور بالردى واهل الردى ياابا الخساير=قالها اعقاب العواجي والعواجي مـن يذمّـه
نسمع الصوت النّشاز ونكتشف بعض السراير=ماقدرنـا نمسـك الثعبـان ونعالـج بسمّـه
البنادم تمضي ايامه مايـدري ويـش صايـر=يدري ان آدم وحوا أحد ابوه وأحد (ن) امّـه

،،

الشاعر / عبدالله سلطان الحريري
صح نبضك وسلم يرآعك
لوحة أنيقة بحروفك الهامسة
حروفك نسجت طريقاً لونه أخضر مشع بإحساسك الأنيق
أبدعت بالوصف والحرف

تقديري الدائم لسمو حرفك