.......


اللي بقى لي مع الأيام .. وفّيته
والضيق لو ينهمر تشربْه ودياني

ماهي كبيره علي والحزن غنيته
وْلاهي غريبه إذا وقتي تحداني

الخوف -يا من نبشت القلب وادميته
-لاعشت زهرة شبابك وانت وحداني!!


وجروح قلبي زكاة لْحُبّّ خِلاّني

مطعون ؟ عاااادي ،، جفا الأقراب؟ داويته
تعبان؟ مبطي ،، ردى هالحظ؟ خاواني

صدمه؟ بسيطه ،، هَوان الحال؟ مرّيته
مقرود ؟ أدري ،، وإذا حرمان؟ عدّاني

ما فاح همّ ٍ لك الله ما تقهويته
ما مرّ حزن ٍ بغيري ما تبلاّني!

ياما وياما من الخذلان .. عديته
إلا بصاحبْ .. بعد عِشره تناساني!!

أزريت لأنسى غيابه لين ناديته
والموت لامن تجاهلني وجافاني

وينه يجيني .. وكل عْتاب كنّيته
ياليت يدري بعد فرقاه وش جاني!!

من كنت طفل ٍ وانا أرجاه في بيته
شيّبت.. واثره على هالحال خلاني!

حتى جناح العَتَب لرضاه ذليته
ماطِرْت بعده فرح من ذلّ جنحاني

يا قلب صبرك .. ترى كل شيّ سويته
ما كان أفضل من اللي كان بإمكاني

لو بيّ قوه على الهجران؟ خليته
لو بيّ ذره من النكران؟ يفداااني

الجرح أرحم .. إذا يرجع من أغليته
مجروح؟ فِدوه .. ولكن صعب وحداني!

منـــــقول


الشاعر / عبدالله مرعي الظفيري

الجرح أرحم .. إذا يرجع من أغليته
مجروح؟ فِدوه .. ولكن صعب وحداني!


نص راااااااااااااااائع وفقت في الاختيااار وفقك الباري ...

لو بيّ قوه على الهجران؟ خليته
لو بيّ ذره من النكران؟ يفداااني


صح لسان الشاعر وسلم ذوق اخي المغترب كلمات ادمت حروفها الى حد الوريد...

اختك في الله

يا قلب صبرك .. ترى كل شيّ سويته
ما كان أفضل من اللي كان بإمكاني

لكـ خالص الشكر على اختياركـ الرائع ...

من كنت طفل ٍ وانا أرجاه في بيته
شيّبت.. واثره على هالحال خلاني!

نقل جميل وذوق رفيع وأحاسيس جياشة لامست الجرووح