مـقــتـطــفــات شـعـريه للـشاعـر
.
عــــاقــــل الـــزيــــد يــرحــمـه الله
.




ياللأسف كيف أعتبرتك لـي سيـاج=ياقلب قل له لـو تكرمـت قـل لـه
مافيـه علـه مالهـا طـب وعـلاج=الا ثــلاثٍ مالـهـن طــب .. لله
ولا أعرف لهن مبدى وسيره ومنهاج=المسكّـنـه والمهـزلـه والمـذلـه




.




من قبل فرحة حاسدي مع عذولـي=ومن قبل حزني لاقرب الناس ينساب
قلته وشاهد حجة الصـدق قولـي=وماأقول غير لشاهد الـزور كـذاب
وقت السعه ياكثر الاصحاب حولـي=ووقت الشدايد لا حبايب ولا أصحاب
.





من الرياض العاصمه جيت للجوف=أحمل تحيات الريـاض وسلامـه
بالمسك واليشموم والورد محفوف=مرسل لدار المجـد دار الكرامـه





.




ليه ماتمطـر لـداري مراويـح القصيـد=ليه ماأكتب والوطن نبض وأحساس وحياه
والله أني لاأكتب الحـرف بـدم الوريـد=لين ألبّس منكب الدار من شعـري عبـاه
.





ياصاحبي قلها علشان ترتاح=الكلمه اللي توجع القلب قلها




.




من لانهاه أيمان قلبه عن الغي=ماقام له لو زاد بالعمر رايـه
أي الخلي اللي سلا خاطره وأي=من له مع اللوعه وأثرها حكايه

.





لمْ الورق لاينكشف سر الاوراق=ماتشبع الاوراق جوع الكتابـه
ولا تبرد الونه لهي حر الاشواق=لاون مجروح النوى زاد مابـه




.




الجمره اللي بالحشا جرحها حي=ماللعنا فـي سالفتهـا نهايـه
اللي وجعها طاويً خافقي طـي=من وين ماأوجه ورايه .. ورايه

رحم الله عاقل الزيــــــــــــــــــــــد رحمة ً واسعه - ابيات متقنه -تفوح منها رائحة التجربة والحكمه --

يعطيك الــــــعافيه ، ورحم الله الشاعر عاقل الزيد .

آآه ياابو سلطان كلما اذكر عاقل واقرأ له تدور في مخيلتي ذكريات وأحاسيس لايمكن أن تنسى ذكريات عشناها في حياته وأحاسيس داهمتنا بعد وفاته عاقل هذا اللذي لم استطع حتى الآن أن اصدق فقده او حتى استطيع التعبير عن فقده فهو حي بقلبي كما كان وسيظل . رحمك الله ياعاقل وشكراً ابو سلطان على هذه الألتفاته

الله يرحم الشاعر عاقل الزيد ويغفرله ومشكور طال عمرك

الله يعطيك العافيه

ومشكــــــــــــــــور

ورحم الله الشاعر

مجهود أكثر من رائع وتشكر عليه