________________________________________
أقامت قبيلة الحريرات بمنطقةالمدينة المنورة حفلا على شرف
أرحامهم من قبيلة العونة من قبيلة حرب وقد حضرت والقيت القصيدة التالية




ابتدا صدق المشاعر وتعبيـر النفـوس = ماتوخر عن مجاله اليـا حـل المجـال
اسبكه سبك الذهب ثم اصفـي جوهـره =واصرف العمله من اجنيه ولاّمن ريـال
ودي انخى هاجسي يوم نضّمت القصيـد =ياهواجيسي تعالـي وياشعـري تعـال
مار انا خابر رصيدي على كل البنـوك =في بنوك المعرفه لي رصيد وراس مال
كل ماورّد هجوسي على عـد الـروى =صدّرت من جمّها الراهي العذب الـزلال
وان بغيت استمطر الفكر واستدعي قواه =استثير الراكـد اللـي بنفسـي مايـزال
ما استكين ولا ابتعد كل ما حل اللـزوم =اللـوازم لاهلهـا والمراجـل للرجـال
وابرك الحزات حزة تقـارب واجتمـاع =حزةٍ نلقى هل الطيب وافيـن الخصـال
مرحبا ترحيبـة الغيـث بايـام الربيـع =ومرحبا ترحيبة البدو فامـزون الخيـال
مرحبـا ترحيبـةٍ بالكبيـر وبالصغيـر=في ضيوف ٍ شرفونـا وزان الاحتفـال
مرحبا ترحيب يحفر على وجه الزمـن =ثابتٍ يثبت علـى طـول دورات الليـال
مرحبا بزحول حرب ٍ مدلهـة الحزيـن= من بني سالم هل العز ماضين الفعـال
مرحبا بلسان حاضر وبلسـان الغيـاب =مرحبا بالضيف والكيف في صفر الدلال
استجابتكم شـرف تعتبـر واكبرشـرف =بارك الله بالصله والتواصـل والوصـال
همت بافاق المعانـي وتنظيـم الكـلام =ما اكتمل قاف التراحيـب ذاك الإكتمـال
مرحبا ترحيبـةٍ باسـم ربعـي كلهـم =والكرم طبع الأكارم كريميـن السبـال
ربعي اللي بالمواقف لهم قصـر مشيـد =نايلين المجد والمجـد عسـر ٍ ماينـال
الحريري بالشدايد تـذرى بـه جمـوع =موقفه فبداية الملحمه مضـرب مثـال
عزوتـي تاريخهـم ماتغيـره السنيـن =يشهد التاريخ والله يشهـد ذو الجـلال
وان فعلنا الطيب والطيّبـه تستاهلـون =انتم اهل الطيب مابه نقـاش ولاجـدال
واحمد اللي لم شمل القبايل والشعـوب =عقب ماكانوا بجهل وتشـرذم واقتتـال
يوم شعشع صبح عبد العزيز ابن سعود= واكتشف رسم الحقيقه تحت بيت الخَيال
قال انا طبعي كذا مااقبل انصاف الحلول =مالها غير المعارك وصـولات القتـال
واعتز ا صقر الجزيره واخوياه اربعيـن= في ظهور الخيل والعيدهيّـات الجمـال
ماتوانى في عزومه عن الحق المبيـن =تشهد الصحرا وتشهد جراهيد السهـال
وقسّم القوة واعدّ الخطط لا جل الهجـوم =وابتدا والحرب خدعه وحيلـه واحتيـال
وانفلق صبح الرياض وتجلّـى وانجلـى =ليلٍ اسود فيه بدر الدّجى يرجـع هـلال
وانقتل عجلان والظلم طويـت صفحتـه =وافتتح قصر الحكم فاوّل ايـام النـزال
واقبل التاريخ يكتب فصـول االمعركـه =كنها برقٍ سرى يشتعـل فيـه اشتعـال
والمؤسـس عانـه الله وشيّـد دولتـه =دولةٍ تبنى بحنكـه وحكمـه واعتـدال
قادها للعز بالسيف والشـرع الحنيـف =رحمة الله حفتـه بالجنـوب وبالشمـال
وانتهى العصر الظلامي وعصر الإنهزام =واختفى لحن الغوايه وطاروق الضَّـلال
واكتمل عقد المسيـره بتوحيـد البـلاد =نشكـر الله أولاً ثـم مرويـة السّـلال
يوم عمّ الأمن شبه الجزيـرة والامـان =واصبحت دوحه للامجاد وارفة الظـلال
واندفع ركب الحضاره على كـل اتجـاه =واندفن بيت الجهل تحت كثبا ن الرمـال
وطوّرها ابنا الموحّـد رفعيـن المقـام =نهضة كبرى مافيهـا تبـدل واختـلال
لين جا عبدالله الحاكم الشهـم الحكيـم =ابو متعب كامـل الوصـف لله الكمـال
يرتكـي للمدلهمـات فاليـوم العسيـر= لا رسى لاكبر مهمه كما مرسى الجبال
والله انا في ذرى اللي عسى عمره يطول =ماالتفتنـا للهزيلـه ومـدات الـهـزال
ومملكتنا الله حباها كثيـر مـن النعـم =صدرت للعالم النفـط والغـاز المسـال
نعمةٍ قلنـا وقولـوا عساهـا ماتـزول =والشّكر لله والشكر حفظ مـن الـزوال
ومرحبا مليار بالحاضرين من الضيوف =واعذوروني كان طوّلت هذا آخر مقـال

،،

الشاعر / عبدالله سلطان الحريري
صح نبضك وسلم يرآعك
لوحة أنيقة بحروفك الهامسة
حروفك نسجت طريقاً لونه أخضر مشع بإحساسك الأنيق
أبدعت بالوصف والحرف

تقديري الدائم لسمو حرفك