مساجلة .. بين بدر الحويفي وعبدالله بن عون




http://www.alriyadh.com/2005/01/13/img/131047=.jpg


الشاعرالكبير/ بدر الحويفي الحربي يعزم الشاعر الكبير/عبدالله بن عون والشاعر الكبير/وعبدالله زويبن الحربي في قصيدة :

انـا مـن العتبـان ناديـت رجـال===وايضاً معه من حرب رجـال ثانـي

نبي لنا جلسه علـى كيـف بـدلال===وسوالـفٍ فيهـا قصيـد ومعانـي

شعرٍ نقي ماهـو تصانيـف جهـال===تعبيـر فـن معاصريـن الزمانـي

هذا الهدف واللي طرالي على البال===شوف الرجـال معربيـن المجانـي

من خيرت الشعار ذربيـن الأفعـال===عنـدي لهـم تقديـر سـر وبيانـي

من خيرت العالم عـوارف وعقـال===وبالمرجلـه مقـدارهـم مايهـانـي

والناس كـلٍ لـه مكانـه ومنـزال===والأرض كورتها رفـاع وطمانـي

هذا مثل من ضمن الأمثـال ينقـال===وساس الحجر يرفع حصون المباني

مني لهم تقديـر فـي كـل منـوال===يشهد على مضمـون قلبـي لسانـي

ارسلتهـا يـم النشـامـا بـجـوال===اطلب زيارتهـم يجـون بمكانـي

لاسيروا يمـي وشاهـدت الأبطـال===فرصه سعيده مثل عيـد رمضانـي

وجهت عشر ابيات من هيض الأمثال===وذكرتلي موجـز صحيـح وكفانـي



http://www.5ymah.org/upload/upload/wh_44430223.jpg


ورد عليه الشعر الكبير/عبدالله بن نايف بن عون بهذه القصيدة:


يعيش راعي دلةٍ مالهـا اشكـال ===من فايـدت فنجالهـا مانسانـي

من يوم دق بهارها عبر الأرسال===صكة عليّ بريحـة الزعفرانـي

لو دونها حالت مسافات الأميـال===هب الشمال بريحها لين جانـي

ومنها على الهاتف تقهويت فنجال===هيله من الحبشي وبنـه يمانـي

من موردٍ ياليتنـي منـه مكتـال===لاشك صعب السلم عنه ايحداني

يكتال منه اللي ليا اختار ماعـال===وليا وسم ماياسـم إلا السمانـي

امثال ابو سلمان كساب الأنفـال===للي يحاكينـا بسحـر البيانـي

له سمعةٍ تبقى الى تالـي التـال ===ابين من المشعل على ضلع اباني

فرايدٍ غنت بهـا النـاس مـوال===يلجا لها اللي من همومه يعانـي

يابن زويبن جعل تفداك الأنـذال===ماعدك إلا واحدٍ مـن خوانـي

نبي نزور معرب العم والخـال===للي على الهاتف دعاك ودعاني

ناخذ لنا عند اصبح الوجه مقيال===حنا شفاويـه وهـو مرحبانـي

مشكوووووور والله يعطيك الف عافيه

جزاك الله خير وماقصرت

مشكوووووور والله يعطيك الف عافيه

يعطيك العافية مشرفنا الغالي

مشكوووووور والله يعطيك الف عافيه متميز دائماً