بسم الله الرحمن الرحيم
قصيده قد وجهها الشاعر فارس الطويلعي
هذا نصها


الشاعر/فارس الطويلعي


أبيات اهديها لشيخ فارس بن محمد بن فرحان الايداء
والشيخ محمد بن عبدالله الطيار
والشاعر النقي التقى
خليل الطلوحي ابو نواف الذي هو شرف لنا بكل مايحمله
من طيب ورجوله وفكر وراي سديد
وكذلك اهديها لأبن عمي
عادل مطلق الخالد





الشيخ فارس لو بغا الروح والمـال=
= وعمري وما املك عليـه يمونـي
اقسمت انا بمنزل تبارك والانفـال=
=أنه مسـح دمعـة يتيـم بعيونـي
والارض ترسي والثوابت بها اجبال=
=والله وامانـه يابوخالـد تكـونـي
الله فرض حبك على اكبار و واطفال=
=كم اتصال بصـادرك وش تبونـي
خليل يا جسر الصخاء نسل الاشبال=
=قريـت بالمعنـى بيـان بسكونـي
ضرغام حرشاء منزلك برج الابطال=
=تعطي قراح العرف وانتـه تمونـي
حنا بزمن ما بيـن قايـل وقـوال=
=نبشاً وهبشـاً بالزلـل يجموحنـي
وصدرابوباسـل لشغاميـم مدهـال=
=يرفع وقاره لو تهـش الضغونـي
كفخ بجنحانه عقب مرقـب الجـال=
=وفوق السماء صافح جليل المزوني
الشيخ فارس علمه طبـع الاحـوال=
=توجيه من ساطي الساطي يصوني
فنجال له ينسـاق فنجـال فنجـال=
=شمال شرق وغرب لـه يردفونـي
ومحمد الطيـار صنديـد الافعـال=
=عطاه درس العرف من كـل لونـي
وجدول مواعيد الوفاء رغم الاشغال=
=والعاصمـه والقاهـره يشهدونـي
20 الف وكلهـا صفـوة ارجـال=
=عـد النسـب ولادعـه يركزونـي
تـواردت توثيـق اسمـاً وجـوال=
=وعبر الافق من شـان لايبلشونـي
خدمة تقـدم مابهـا دفعـة اريـال=
=من شان نعرفهم وهـم يعرفونـي
الاجر في وقـع الموازيـن ينشـال=
=لانشال من فوق النعش ودعونـي
وانـا يابونـواف حـلاً وترحـال=
=لكن مواري الطيب بـك عرفونـي
وخذها على لحناً مـن راس مـوال=
=لاهنت في رائك ولا هـو يهونـي
مايقبل التأجيـل عجـلاً للارسـال=
=في ليلة الجمعه وقائـع شجونـي






هذا ردي على الشاعر الشهم فارس الطويلعي حفضه الله



بسم الله البادي على كل الاحوال=
=العالم فيما كان والي يكوني
الله هوا اللي للعسيرات حلال=
=حنا برجا ربً لطيفٍ حنوني
ومن بعدها دونت قافي بالامهال=
=ردي على اللي بالوفى شرفوني
هلاهلاعداد رش(ن)اليانهال=
=وعدد نجومً بالسماء يطلعوني
جوابكم يالوايلي يطرب البال=
=من اغلاجواب(ن)شاهدنه عيوني
عطره جذبني من على عالي الجال=
=نفحة زهر من عاليات الغصوني
شاعرمن لفضه ريحة المسك تنهال=
=ماكنه الا بلسم ن للغبوني
اشراقته بانت تقل نورشعال=
=سطوع بدر ن بنكشاف المزوني
تعيش يافارس ويانسل الابطال=
=طوالعه للغانمه تفعلوني
حنا نقول الحق والحق ينقال=
=انتم فخرمقامكم مايهوني
انتم لكم القلب شيمه ومنزال=
=بين الظلوع بوسط قلبي تكوني
ومدحك لنا ياطيبّ العم والخال=
=يوم انت طبعك للجزايل زبوني
يالله عسنا فيك ماندورالابدال=
=ولاسمع بيومك مع طروش ن يجوني
يالصقرياللي ماكره راس ماطال=
=يفداك مجموع الهدس العفوني
اللي تربص كل يوم ن بالاوحال=
=اهل النميم مخيبين الظنوني
ياعزوتي عن قارس البرد واللال=
=حنالكم وانتم لنا تفزعوني
عزوة هل الملحا لنا ظل وجلال=
=ملاذنا عن جايرات الشطوني
البئر مايورد بلا دلو وحبال=
=ويبي رجالً لروى ينزفوني
ولا تصير الوارده حالها حال=
=تموت والماء في خباه مخزوني
امثالها يصيررجلٍ بلارجال=
=رجل بلا عزوه يعيش مهيوني
يالابتي ياهل العزاوي والافعال=
=ياللي لفعل الطيبه تعتلوني
ترا اختلاف الراي للعز قتال=
=وناسٍ تخالف رايهم يذهبوني
ماقلتها واعض ولاني بعذال=
=لاشك اذكر كل قلبً فطوني
يافارس المطنوخ ياعذب الاقبال=
=اقبل سلامي مع قوافي لحوني
لك الوفى مكنون يحفض وينشال=
=يالغانم الي للجزايل تصوني.!

صوت وصدى من شاعرين عملاقين

وقد وفق الشاعر فارس الطويلعي في مدح الشيخ فارس الأيداء والأخ الشاعر الكبير خليل الطلوحي

والأستاذ القدير عادل الخالد فكلهم أهلا للمدح ويستاهلون أكثر وفقكم الله لكل خير

،،

ألشاعر والأديب / خليل مسفر الطلوحي ... حفظه الله :
ماشاء الله تبارك الرحمن
قلت فأصبت ، جمال حرفك مشهودٌ له بالجمال
والفكر بالتفوق
زادك الله مهابة وجلالا أيها الرائع
لقد زدت الجمال جمالا
فلا أقلً مِن أنّ نقول بملئ الفيه :
أحسنت وأجدت
وأضفت للعربية صور رائعة ومن البهاء حروفا
نلتقيك على الخير دائماً أيها الرائع .
دمت والابداع تؤامين
:wrd209:

الله دركما صحت للسن والابدان لنا الحق ان نغخر بمثل كذا تلاحم وصفى
وهذا المامول منكم ايوه الاحبا النبلا كلكم قمم بالاخلاق والاذواق

واشكرك اخوي ابونواف على وضع هذهِ النصوص بين يدينا

كل الشكر والتقدير

هلاوالله يابوسلطان

صدقت يابو سلطان الشاعر القدير فارس الطويلعي وفق بقصيدته ماهوعلى انه ذكر خليل لاوالله
ولكن بحماسه لربعه ورغبته بجمع الجماعه وتعارفهم وهذه محسوب له وفقه الله كل خير واكثر من امثاله
حاولت اعرف من هو فارس الطويلعي ولم اجد من يعرفني عليه

الله لايهنك يالبناخي على ماتفضلت به من درر ولاهي غريبه من رجل امثال عبدالرحمن ابوسلطان

لك الود ويحفضك الرب

الاخت العزيزه الذي تفرض احترامها على بذوقها وخلاقها العاليه/دمعات السحر
وفقكِ الله ايوه الرائعه واقول شكراً بحجم جبال السرات على حروفكِ العطره
الذي تثلح الصدر وترفع الهمم لوكنت ماعرف الشعر لاكنت عرفته سلمكِ الله
وحفضكِ

امنتكِ الله من كل مكره

حياك الله اخوي ابو منيف العنزي

اشكرك يابن العم هذا الامل وحنا اضانفخر بكم وانعتز لاعدمناك يابو منيف

والشاعر فارس الطويلعي راع الاوله هوا لبادي والسباق على الطيب

لك اجمل تحيه وحترام

دمت بخير وسلام من ربً رحيم

شاعرنا وأديبنا خليل مسفر
صح السانك جزل دائماً
أطال الله عمرك وأنار قلبك وحقق الله حلمك
دمت بحفظ الرحمن

هلااخوي بدر التركي

صح الله بدنك وبعد الشرعنك

لاهنت يالغالي

دمت بخير من الله