دنياي عيّت لا تجي لي على الكيف
قامت تهاجمني مهاجم عداوه
أركت على كبدي حدادٍ مراهيف
لين اودعتني ضحكةٍ للجباوه
ماني ضعيف ولا تعزويت بضعيف
وفالواجبه ماني براعي رخاوه
مير الليالي حدها شين ومحيف
والها على روس الرجال انحناوه
دنياَ تلغف طيب الساس تلغيف
وتودع قسي الراس ينسى القساوة
حالت على روس الرجال الشواحيف
اللي يخصمون الطثوب اللعاوه
يالله يامنشي السحاب المراديف
ياعالم ٍ بالبينه والغباوه
اجعل نصيبي فوق مشراف ومنيف
لين اعتلي فالعالية والعلاوه
لا قام حظي ماعليّه تخاليف
قدري عزيز ولا عليّه جناوه
دنياً تزيّن للضعوف الخناطيف
تضحك لهم ومذوقتهم حلاوه
اللي من اول يسكنون الحجاريف
وجدانهم تاكل عشاها القطاوه
والله يالولا اللي حكم نجد بالسيف
مع العرب ليعلقون الاخاوه
اليا صفقهم واحدٍ مثل ابن نيف
وقامت لقاح الخيل ترمى الفلاوه
واليوم مافي هالدهر شي ما شيف
ودنياك هذي ماعليها طراوه
نمشي مع الدنيا ونختار ونعيف
وبعض العرب ماغير حطه وساوه
والرزق عند مصرف الكون تصريف
رب يعرف العايله والقداوه

للشاعر الكبير

سهل الكسر

،،

صح السانه شاعر جزل ومبدع دائماً
ولاهنت ياأبو سلطان’’ على النقل الطيب ويعطيك العافيه
وتقبل تقديري
:wrd041::wrd041::wrd041:

صح لسان الشاعر

والف شكر لك على الانتقاء الرائع

تحية الاسلام
جزاك الله خيرا وبارك الله لك وعليك
ان كل مفردات ثقافتي اللغوية لا تفيك حقك من الشكر والتقدير والاحترام
لك مني عاطر التحية واطيب المنى
واجمل ورود فلسطين وتحايا
المسجد الاقصى المبارك الاسير
وما انا الا نقطة في بحر ابداعك
وطفل يحبو على اعتاب جامعتك الشعرية
دمت بخير
باحترام تلميذك
الحاج لطفي الياسيني
ابي مازن

شكار لك عزيزي

أبو سلطان
على الاستحضار الجميل ،،،

محبتي
وتقديري ،،:brd33:

الحمصـــــــــي

صح لسان الشاعر

ولاهنت على النقل الجميل أبو سلطان ..

نقل مميز

صح لسان الشاعر والناقل

صح السانك يابو سطان ولسان شاعرها سهل
وبيض الله وجهك