هجوسي ماتغيب وحاضره في ساحة الميدان = سلام الله سلامن فاول الوقفه وفـــ اتلاها
انا سبّاح غبه من قديم اصارع الحيتان = سبحت الغبّه الكبرى وغيري هايبن ماها

يشرفني اني اجاريك ياعبدالله

دقايق احضر ردي

هجوسك ماتغيب وخابرينك يافصيح اللسان=هلا يا مرحبا بصحابنا الجزله ومبداها
تهرج وطرق الموضوع بالله ياولد سلطان=ومن جاب العلوم الطيبه للناس وداها

ياكثر المسلمين ومنتشر فالبعض ضعف ايمان = صلاة الفرض تلقى واحدن فالالف صلاها
وانا ابى ارسم مجسّم واكمله بالزيت والالوان =لعلّك تفهم الفكره وتدري ويش معناها

الله الله




رياض الصالحين اللي قرا به يدحر الشيطان=على السنه يزكي ماله ونفسه وتقواها
ليا كمّلت ملامحها عرفناها بلا عنوان=وقلنا مطيّب الرسام هذا يوم سواها :)

عروش الملك زالت مابقى الا خاتم سليمان = لكنك لاتمسّك بالعصاه اللي تعصّاها
تدف الضلع ولاّ ماتدفّه ، دارت الازمان = ولن دارت رحاتي حبّة الطرقي طحنّاها

متااااااااااااااااااااااااابعين . ..

الله الله ياسلام




انا ماني بلقمه هينه يفرح بها الجيعان=عصاتي للعصاة اللي تحدا وتحداها
انا ماني بدف الضلع ادكه دك يالفهمان=ولا تجلب رحاتك عندنا وتروح وياها

طيور الجو حامت بالفضا لكن بلا جنحان = ولا يالطرقي العجلان دوّرها وتلقاها
انا شبيت ناري بالحطب يالعود ابو دخّان = تبي موقعك بادنى النار ولا احذفك باقصاها

طاروق من الوزن الثقيل متابعين لهذا

الابداع

متابعيين قواكم الله

،،
ماشاء الله تبارك الرحمن
متابعه لكم
يعطيكم العافيه

الله الله





ولا مكبر طموحك يوم شوفك تمسح الريضان=حدودك ماجهلنها وندري ماتعداها
عساك التاجر اللي مايخش بحسبة الخسران=ترى حنا ليا منا حسبناها كسبناها

ياسلام ياسلام

طاروق حامي

ومتابعين ومستمتعين


وعساكم على القوه

تخطّف لك علومن مالها حجّه ولابرهان =على قول المثل تكتب حروفك ثم تمحاها
انا اليوم اتنشّد واتعيّن دلة الرسلان =لكن الامنيه تشغل ضمير اللي تمناها

ولا مكبر طموحك يوم شوفك تمسح الريضان
حـدودك ماجهلنهـا ونــدري ماتعـداهـا

طارووق كاااايف
كل الشكر للشعراء الافاضل

طاااااااارووق حااااااامي


منكم الابدداااااع ولنا الاستمتاع ...

الله الله يابو سلطان






يابو سلطان اخذها وافيه من كفي المليان=وحنا من يقابلنا بنصف الكف نملاها
بعد ماهب عصر العولمه حرك غصين البان=ونصف المجتمع عدل وبدل من نواياها

اهلا وسهلا بالجميع شرفنا تواجدكم كما انه شرفني مجاراة العلم استاذ الشعراء ابو سلطان

طاروووووووووووق من الوزن الثقيل
يعطيكم العافيه