قصيدة عبدالله بن شايق





انا ما شريت الجيب لاجل اتمنظر فيه

ولا قمت اسويله مظله ولا عشه




شريته على شان اتعب الرجل واعنيه

وانا اشره على اللي يشري الجيب ويخشه




ولاني بجنبه التغاريز واعديه

اخليه يضرب سايل الرمل ويدشه




احده على قطع الخرايم وانا راعيه

مع شقة ام اقروم بثالث انشه




اوريه صيدن في خلا والخلا حاميه

رمالن بحر مافيه عبله ولا حشه




مضامي وربعٍ يخلف الرجل عن طاريه

ردي العزايم لا ذكرها حذف قشه




مهامل نفودن قطع وادناه متمرويه

دويا لطرشٍٍٍ للهمل فيه منطشه




عليل البلد يشرب هوا البر ويداويه

ليا شم ريحة عشب قفرٍ عقب رشه




يمارس هواياته مع الذيب ويخاويه

ليامن سمر راع المراقص على دشه




شرا الجيب رجلن راعي خبره موصيه

وانا بشهد انه يوم وصاه ما غشه





ورديت عليه اقول




وياراكب اللي من خليفه عمر شاريه * شريته وكني سارقه سرق مختشه


سفاري يشوق العين في نظرته ترفيه * ولا صنع له زقمن طويل وله خشه


ابو باب كني راسمه رسم ومسويه * يسابق فريخ الحر لاطار من عشه


بنيت اله عشه من سموم الدهر تحميه * على شان مايحتاج لمعه ولا رشه


تعدي شهور القيظ ماني مبرق فيه * ولابان نجم سهيل من وقفته مشه


معى هجعت السالين فالليل باسريه * ويازين حسه لاسرابي معى دشه


يقود الجيوب اللي لياضيعته اتيه * يعس الدروب وتوها رملة (ن) هشه

إختيار

رائع

تحيتي لك

رائعه اختيار موفق

يعطيك الف عافيه والجهد مشكور


واقول

شاري الجيب ابي ابارك له ,,,, والي باعه الجيب أبد ماغشه
عسى الجيب مركوب سعاده ,,,, ونكان ماتبي الوانيت طشـه

كيبورديه علي الحريرات

،،

أنتقاء يستحق التأمل
دمت بود اخي القدير

جزاك الله خيرا وبارك الله لك وعليك
كل عام وانت الى الله اقرب
دمت بحفظ المولى

قصيدة رائعة
أحسنت الأنتقاء
أخي الفاضل