قصيده موجهه الى .. محمد بن غالب بن غصيبه الايداء


من الشاعر .. ذياب بن محمد الحربي






لحقني المعروف من راعي الصيت
اللي مراسيم الجماله حملها
لاوهني من وفقه والي البيت
ورد الجميله بالجميله لهلها
يامحمد الايداءمعي قمت ووفيت
وخصائل الوافين مثلك شملها
يابن الرجال الطيبين الزناتيت
لانوخت شهب الليالي جملها
بطيب المبادى يامحمد تقصيت
والطيبه من حظ رجل فعلها
مافيه يوما بالمهمات صديت
تثقل على غيرك ومثلك نقلها
جيتك بلازم يامحمد وفزيت
بالعرف لازلت تعدل زللها
بالاوله والثانيه ماترديت
والثالثه كبرت وهون جللها
يافزعت اللي راح فكره تشاتيت
ياموصل اللي حاجته ماوصلها
جدك الايداء كان بالفعل عديت
شيخن منازيل الزعامه نزلها
لطوحت بيض العذار الزغاريت
كم غارة بالسيف شتت احللها
وانته بمنزل سالف الذكر حليت
أفعول جده عزها ما خذلها
في درب من فاتك مشيت وتحليت
احياء افعول فاته ماقتلها
على الرجوله والحميه تربيت
حوا الفعول الطيبه ما جهلها
ماخاب من بسمه سميت وتسميت
تلقي السيوف الطيبه عند اهلها
بعصى اجدودك يا محمد تعصيت
وقيل الجمال احمولها تحتملها
هذا وتسلم كل ما اصبحت ومسيت
عد المزون اللي تطلق هللها
وصلو على اللى ثبت الدين تثبيت
صفوف قريش اللي اجهوده بذلها

القصيدة مكررة سبق وان نزلتها اخ خالد بقسم عنزة الوائلية تحيتي لك