الوااايلي
01-07-09, 05:55 PM
الشمس لا ودعت يكتب عزاها الشفق =بحروف تقرأ خيوط الليل مضمونها
وعادة الأشجار تهدي للخريف الورق =وتبقى حزينة تصيح الريح بغصونها
هي المحبة كذا من قال بلوى صدق =مرات يا صعبها ومرات يا هونها
يموج قلبي ليا بان القمر وادرق =بالغيمة اللي فضح لون القمر لونها
يا خد يا مصطبح بالنور يا مغتبق=سولف لمفرق نحرها وجد مضنونها
يا هيه سولف لشلال الشعر لا اندفق =اليا استجن الهبوب وداعب متونها
الله خلق لكن الله بين خلقه فرق =عينتني يوم باحت لي بمكنونها
قام الخفوق يتفلت بالضلوع وخفق= من يوم ذاب السكات وسال بعيونها
تنعس بليا نعاس وجفنها ما انطبق =تهز ليل الرموش وتنثر فنونها
وانشد الليل والسارق عن اللي سرق =والوم ليلى على تعذيب مجنونها
لا طالعت كنها ريميةٍ تصطفق =لدت وشافت قوانيص يشوفونها
أخمر حديهم وسدد بندقه وانفهق =وفزت من الذعر واقفت قبل يرمونها
هذا هو الريم لامن هج ما ينلحق =بعد الخريعة حشا ما عاد يلقونها
وعادة الأشجار تهدي للخريف الورق =وتبقى حزينة تصيح الريح بغصونها
هي المحبة كذا من قال بلوى صدق =مرات يا صعبها ومرات يا هونها
يموج قلبي ليا بان القمر وادرق =بالغيمة اللي فضح لون القمر لونها
يا خد يا مصطبح بالنور يا مغتبق=سولف لمفرق نحرها وجد مضنونها
يا هيه سولف لشلال الشعر لا اندفق =اليا استجن الهبوب وداعب متونها
الله خلق لكن الله بين خلقه فرق =عينتني يوم باحت لي بمكنونها
قام الخفوق يتفلت بالضلوع وخفق= من يوم ذاب السكات وسال بعيونها
تنعس بليا نعاس وجفنها ما انطبق =تهز ليل الرموش وتنثر فنونها
وانشد الليل والسارق عن اللي سرق =والوم ليلى على تعذيب مجنونها
لا طالعت كنها ريميةٍ تصطفق =لدت وشافت قوانيص يشوفونها
أخمر حديهم وسدد بندقه وانفهق =وفزت من الذعر واقفت قبل يرمونها
هذا هو الريم لامن هج ما ينلحق =بعد الخريعة حشا ما عاد يلقونها