البارحه بالنوم كنّى موراّ=جا حلم ليل يوم عبّر ولاشيف
اونست هاجوس علىالصدر مراّ=منه الفواد معلّق بالمخاطيف
وابدى كنين الروح داخل وبرّا=من نقض مايفتل وفتل بتكليف
يارازق اللى فى رجاك يتحرّا=من مدّ جودك ياوسيع المحاريف
ان جت من الله ماعدويضرّا=وليا ادبرت قلت دبور المصاريف
مادون ربك واحد لك يسرّا=للرب حكمه بالمعانى وتصريف
قم يامحمد سوّ حلو ومرا=رسم إلى جوك النشاما هل الكيف
مع منسف حول المناره يجرّا=واشناق حيل صفوها له ذواريف
واعمل بخير ولا تجازى بشرّا=وارجى الفرج من عند والى المصاريف
واجهد بتقوى الله لدار المقرا=العبد طرقىّ ركابه مناكيف
دنياك لو زانت تراها مغرّا=دنيا خراب ولا عليها تحاسيف
فيها لبيب العقل ما يستغرّا=لو امهلت لابد رحله وتخفيف
اخشع تواضع لا تكبّر تزرّا=ما شفت ميلات الليالى مراديف
ورفيقك الغالى منه لاتبرّا=ادمح خطاه اللى تعبّث عجاريف
يشرب معك صافى وكدر ومرّا=ويرد معك حوض المنايا الى عيف
نوب تذرّى به ونوب يتذرّا=عديل عمرك باليالى الشفاشيف
جر القلم واكتب لنا اللى تورّا=سلام احلى من حليب المشاغيف
منّى لمن تابع هوى كل غرّا=شيخ يروّى بالملاقى شبا السيف
زيزوم غلبا كل يوم تجرّا=واطرافها تاطا الغبا والمشاريف
ذولى يسرّحهن وذولى تسرّا=وذولى مغيرات وذولى مناكيف
والى عدا باللى عدا فيه غرّا=بر بع على قحص المهار المزاغيف
سلاحهم شغل العجم والمجرّا=ودهم الفرنج مفرّقات المواليف
وصلّوا على المختار والصحب طرّ=اماهبت الانسام من رايح الصيف

للشيخ تركي بن حميد الله يرحمه

رحم الله الشيخ تركي بن حميد قصيدة نادرة

أخي أبو ياسر عاداتك اصتياد الثمين

بيض الله وجهك

رحم الله الشيخ والعلم الكبير تركي بن حميد - قصيده جزله من قصائده الرائعه ،، بيض الله وجهك ابو ياسر على الاختيار الموفق

رحم الله الشيخ تركي ابن حميد وشكرا أبوياسر على الأختيارالموفق

هلا وغلا باالجميع والف شكر لمروركم العذب
اخوكم ابو ياسر

أختيار موفق

الف شكر وبإنتظار إنتقئاتك ..