سلام الله عليكم ياقبيلة طيبها مذكور=نعده يوم جينا للرجال اطوال الايماني
يابو سلطان ابهرج وانت تهرج ماش فيه قصور=وانا ماني بعدك كون غالي من حد اخواني

بعد اذن ابوسلطان - تفضل لاهنت

هلا يامرحبا وانشر كلامي والعلم منشور = عليك الله وامانه وانت صاحب ماانت قوماني
تلوح الذكريات بخاطري والدور غير الدور = عسى العجمان ماينسون ابن حثلين راكاني

متابعين وبصف الفارس

اررحب ياعبدالله الله والنبي محييك
:
:



لعلك الك البقا يالشاعر اللي نايب ومشكور=وهذا ماقفه من شان صدقانه ومن شاني
ابن حثلين ماينسى ولو مرت عليه عصور=وحد راضي ياعبدالله وحد فالوقت زعلاني

متابعين وبصف الفارس


اررحب يابو سلطان وين حطيني بوجه هالشاعر الداهية وانا طالب؟ :)

اكيد انك بتكون بصفي لرفع الروح المعنوية عالاقل

مادام الشعر ياسالم مع الشاعر نزيف اشعور= نبى نقرا ونكتب كلمة ن من قلب والساني
نبى نزرع ثرى الشاطي ونرسم فالبحور ابحور =ونعبرها سوى والبحر ميدانك وميداني

الله الله

/


ثمارك يالشجاري حتحتت يوم الزمان ادهور=تقل حسبي على اللي مرني بالماء ولا سقاني
يابن سلطان حصلناك وسط المنزل المعمور=تمد الكيف وعلومك لها معنى وعنواني

بقى قوسين من وهم الحقيقه والحقيقه نور = على شان الهطول اللي بدا من غر الامزاني
صباحك لولبي ،، وسكة الطرقي بدون اجسور= تبى تنظم ملاحم للمغيب اشكال والواني

تحركنا وحركنا البحر في مقدم البابور=على ظهره دليله والهدف لولو ومرجاني
قدورك يالحريري زيدها بالنار لين تفور=وانا عجمي وشب النار من زندي وصواني

تحركتوا بدون ادروع وارتعتوا من الطابور = وصبح السالفه متخالفه في قصر دسماني
زرعنا فالمحيطات الف غابه وانشد الجمهور = وخلينا صدور العاشقين اتجرّ الالحاني

خروج اظطراري
:
:



صح لسانك ياعبدالله اسعدني وشرفني الالتقاء بك وبشاعر بحجمك مدرسة شعرية وهامة عالية
استفدنا منها الكثير وان شاء الله لنا لقاءات متجددة قادمة
شكرا لك ولهذا الصرح الراقي بكرم اهله

بيض الله وجهك يالفارس على هالطااااااروق الرائع والشكر موصول للشاعر عبد الله الحريري

ومنتظرينكم في طواريق جديدة

طااااروووق ناري بين عمالقه وشعراااء كبار لله دركم ..

تحيتي لكم ..