البَحَر والشّعْر تربطهـم مواثيـق و زمالـة=من يردّ الموج والشاعر ليا هبّـت هبوبـه
يا بَحَر لوّ أكتب أبياتي على موجك رسالـة=بيت واحد من بيوتي يقلب أملاحك عذوبـة
يا بَحَر يا ليتني باقي على طيـش الجهالـة=يوم كنت صْغِير ما اعاني من الدنيا صعوبـة
الفرح عنـده موظّفنـي ومعطينـي وكالـة=للضحوك وللمزوح ونزوة النفـس اللعوبـة
ويوم كمّل عمري العشرين قدّمْـت إستقالـة=الفرح عيّا اسلوبي لا يوافق مـع اسلوبـه
القوانيـن القديمـة والمذاهـب والأصالـة=تلزم الرجّال لوّ الحـال ماشـي دوب دوبـه
يا بَحَر والله ما شيّب روسنا غير الرّجالـة=عيب نسكت وإن هَرَجْنا كلمة الرّجل مْحَسوبة
يا موصّي . لا توصّي صاحْبِك يلـزم ريالـه=وش يسوّي بالفلوس اللي تبرّت من جيوبـه
أنت وصّلْت النصيحة واتركه مالـك ومالـه=الكرم ماهو مجنَّب عنـه لـو إنّـه عقوبـة
كمّ مرّة جاه حملٍ مـا يطيقـه وارتكـى لـه=من عناده للحمول الجايرة مـا قـال توبـة
لو تسلّف واجب ضْيوفه من هْنـود البقالـة=مع صلاة الظهر في جدّة وفي عزّ الرطوبـة
لجل ما يدرون ضيفانه بحالـه كيـف حالـه=مايجيهم غير مستانس ويضحك مع جنوبـه
كرّم الله لحية اللـي ضيفـه يكـرّم سبالـه=وسوّد الله لحية اللي يعطي ضيوفه ذروبـه
البخيل تشوف وسم الضّيم حتّى في عيالـه=ما تقول الاّ مشَلْوطهم على النـار الشّبوبـة
والكريم ليا عطى كنّه ما يعطي مـن حلالـه=لو طلبته ثوبه اللي لابسـه يعطيـك ثوبـه
لعنبوا جدّ البخـل واللـي يحطّـه رأس مالـه=البخيل بْخيل ما يعطيك حتّى مـن ذنوبـه .!



الشاعر/ وصل العطياني العتيبي

صح لسانكولسان شاعرها وقصيده تستحق التصفيق لها ..

رائعه بكل معنى الكلمه والله يعطيك العافيه ,,,

تقبل تواضع مروري ..

تحيّه وتقدير ..

إنتقاااء مميز دائما دكتور سيف . . .

أشكرك على تميزك . .

ذائقة فذة

بوركت على صيدك الثمين

اخي د سيف الروقي
قصيدة رائعة وكلمات جميلة بمعانيها صح لسان شاعرها وتسلم يمين ناقلها
يعطيك العافية
تحياتي لك

صح السان الشاعر الكبير وصل العطياني شاعر النظم والمحاوره - وسلمت اناملك على الانتقاء المتميّز لاهنت يادكتورنا الغالي

بنت السحاب

المغترب

القلم الحر

بنت العز

عبد الله سلطان



أشكركم جميعاً على المرور

يعطيك العافية على الانتقاء الطيب
والذائقة الفذة

الوردية


الله يعطيك العافية على المرور