نقطة نظام
12-31-08, 06:51 PM
بسم الله الرحمن الرحيم
الســـــيارة بعد الذلول والفرس و ما قاله فيهما الشعراء
تبقى هناك قصائد جميلة و لم يعجز الشعراء الكبار عن وصف السيارات ولو فيها شيء من التكنولوجيا فقد عربوا السيارات و شبهوها بالخيول و غيره
وهذه الأبيات من وجهة نظري هي الأجمل عما قيل في السيارة ,, ولكل وجهة نظره ..
وأجزل ما قيل عن السيارة هي أبيات الشاعر الكبير بندر بن سرور بن خضير القسامي العتيبي عن ( الفرت ):
و هنا مقتطفات من قصائده عنها :
الا وا وجودي وجد من صك دونه بـاب=بقفـل اعجمـي مغلقـات مسامـيـره
عَدَو به على اللي كنه النسر بالمرقاب =على الجمس الأصفر كاملات شراشيـره
معه فرت خمسة طن ياخذ مية ركـاب=مـن المـال عيّـن ينقلنّـه تغايـيـره
دخل هو و حِمله للحكومة بغير حسـاب=و راعيه عشر سنين و يعـاد تقريـره
على اللي كواني كيّة العظم بالمشهـاب=على أقصى عراوِ القلب محمي مناشيره
عشيري ورا الكوده وانا من ورا مشعاب=بعيد قريب تعيـب يـا هـون تيسيـره
ولا يوصله كود " فرت " عليه اسطـاب=ليا حاسب السـوّاق تقـدح مواخيـره
صنايع بياطير الكفـر لابسيـن الكـاب=عصاة اليهود اللي مشاريبهـا البيـرة
و قوله
ألا يا نديبي فوق فرتٍ ورد من شـرق=على راس قيـره للعليمـي تعاشيقـه
من الوارد اللي جمركه عند راعي عرق=على المطرق مجبور ياخـذ قماريقـه
و قوله أيضا :
مـن بـلاد الشـام جينـا بالمكينـة=فـوق فـرتٍ مـا تخثـع بالطمانـي
يحتدي مثل الجمـل تسمـع رطينـه=مع طمـان القـاع مثـل الثعلبانـي
والشُفيـر مـن المـدارس مطلعينـه=عن ظـلام الليـل شـب الكهربانـي
كـل مـا جـاه تـل يلعـن والدينـه=. باليمين اللي علـى كـل اليمانـي
ما تجيه يسار رجلـه شـوف عينـه=غير يسـرى الطـار شـيٍّ بالامانـي
يوم قال له الخـوي عاشـت يدينـه=شد رجلـه للكمـك واحـد و ثانـي
يالله انك تنصـره مـن نصـر دينـه=إن عطى لـه مـع غبـا ولا بيانـي
قلت يالمطنوخ أنـا عينـي حزينـه=من شراب اللف أبيه و عنـك كانـي
قد رمى بالكيس قدمـي قـال وينـه=دوك ما بالجيب عـن شـيٍ لهانـي
قلـت ثالـث قـال يالله لا تهيـنـه=قلت خامس قال يطلـب نقـل ثانـي
قال واحد و الكمـك واسمـع حنينـه=كيف مـا ترضـى عليّـه بالهوانـي
قلت واحد و الكمـك ضـام المكينـة=قال لي مـن يرحـم القاسـي ليانـي
قلـت والله يرحمـونـه صانعيـنـه=قد زعلت من اللهيـب اللـي حدانـي
قال مـا ناثـق بمـن هـم متقنينـه=عن مشاور غير عرفـي قـد كفانـي
قاطع عرقيـن مـادري ويـن وينـه=قد وصلت الأرض و اسمع صوت ثاني
قلـت دوك اللـف خابـوا شاربينـه=غطّني عن شوف شـي مـا خفانـي
و قوله
راكب اللي مخ رجليه خنزير و هـوا=أشهب في مقدمه باقين و عكس تاج
متر في مترين مستبـرم كلـه سـوا=حايفه حطاب ما سمكره راعي الكراج
إن نعشته بالثلاثة مـع اللفـة عـوا=عوي ذيب محتدينه مربيـة النعـاج
ثابت ما يختلـف كلمـا لـف إنـزوا=و ارتفع ثم ارتخى مثل طايرة المراج
كن ضرب المرو في الويل قدام و ورا=ضرب هملول البرد و ان تقفاه العجاج
منوة اللي مشفقن لهله و لهـم نـوا=من بعد طول المسافة يبي فلّة الحجاج
و من أجمل ما قيل في هذا أيضا قصيدة الشاعر عبدالله بن زويبن الحربي :
الله على اللي نازحـات المشاويـر=جرد السهـال القاسيـة والرمالـي
يشوحهـا ويموحهـا بالتياسـيـر=شوح الرشا المبروم بيـن العيالـي
مـن جـم بيـر عمقـوه الحفافيـر=مسرمـدٍ تاريـخ عصـره هلالـي
عن ماه يقصر حد شوف النواظيـر=قليل واللـي مـن طـوال المدالـي
وردت عليه ضعون بدو ومضاهيـر=عطشا ولا فوقـه مقـام ومحالـي
وتخالفت بيـن الرجـال الأشاويـر=أحـد يبـى الميـراد وأحـدً يبالـي
وقـامٍ يجـرن الحريـر الغنـاديـر=ويبيـن أطـراف رمـز الجمـالـي
وتجاوبن بالصوت ويـن المناعيـر=وقامن يطشـن العبـي والشيالـي
وتـواردوه أثنيـن فيهـم عياطيـر=من صوتهن جاهم طرب وانفعالـي
وتلوه فوق وطيـروا فيـه تطييـر=حرفيـن ذرفيـن نشاطـن عجالـي
جيـبٍ يعـدي نايفـات الحماريـر=بالعرض يبجدهـن ويطلـع عدالـي
من مصنع توريد ما هـو بتصديـر=إلى مضى من فوق عمـر الليالـي
بديه آليا شفتـه يصيبـك بتخديـر=وكشنه آليا شفته يجيك أنداها لـي
مـن قبـل مطـور وزادوه تطويـر=لجـن الريـال يكـون المستحالـي
فكسار له في كـل دولـه جماهيـر=ما فيه هرجه لا كن السعـر غالـي
أبي آليا هاضت شجـون العصافيـر=وشع الصبـاح وجالهـن أجتوالـي
طلبت عـون الله والـي المقاديـر=ونحرتـه الصمـان ديـرة خوالـي
أهل بيوتن يـوم وقـت الخطاطيـر=يلقى بها الضيف القـرى والظلالـي
مثل الجبـال الشامخـات المقاطيـر=يامن بها اللي عن عوانيـه جالـي
وعلى السبايا ينطحـون المغاديـر=ويهاجمـون ويحتمـون التـوالـي
قـومٍ آليـا كـرو وفـرو مدابيـر=علـى المهـار مجـدلات الحبالـي
ارقابهـن للخلـف مثـل البواكيـر=أدبارهـم حرفـة وخطـة قتـالـي
ياما الحقن من قال تكفون يامطيـر=لوإ ن لاصوات الرصاص شتعالـي
أيدينهـم تـورد شبـات البواتيـر=ومتونهـم تدحـم ركـون الجبالـي
وعيونهم بالهوش توصف على الكير=لها بجمر السمـر مضـرب مثالـي
أن ساقـم العطفـة لقـومِ مناحيـر=عقب المعانـد واحتكـام الجدالـي
قدامهـم تصغـر كبـار الطوابيـر=ويصير فيهـا زعزعـه وانحلالـي
وأن جالهم دون العوانـي مناويـر=يـدون حتـى بالرسـن والعقالـي
أبـي خيـامٍ بالعمـد والتيـازيـر=مبنيتن للضيـوف سمـح القبالـي
مرفوعتٍ مثـل المـزون المزابيـر=ممسوستـن مفروشتـن بالزاوالـي
مفتوحتـن بيبانـهـا للمسايـيـر=وناره لها في كـل وقـت اشتعالـي
يردم عليهـا مـن كبـار الجثاميـر=سمر القرى ماهي مطـارق سيالـي
ونجرن آليا حرك تفجر تقـل زيـر=وبيض غريـبٍ شكلهـن بالدلالـي
وحيلـن يقلطهـن كرامـه وتقديـر=لبعـد بعيـد وللقريـب المـوالـي
الجود وكـرام الوجيـة المسافيـر=طبع الرجال اللـي يبـون الكمالـي
ما يقبلون النقص والنقص تقصيـر=لو العفـون تسمـي المـر حالـي
الجود صار بـدار والبخـل توفيـر=علـى هدفهـم ركبـوه احتيـالـي
المزن ما ينبـت زهـور ونواويـر=ولا يزي الضميان شـوف الخيالـي
ما ينبت المرعـى ولا ينفـع البيـر=أن كان ماصـب القـراح الزلالـي
الشيخ عامر دون نقصـان بالغيـر=أبن لويحق شيـخ شمـل الهجالـي
عند القبائل حجمه أكبر مـن النيـر=والفعل هو مقياس حجـم الرجالـي
ذكره شهير مع الرجـال المشاهيـر=دايـم لذكـره بالمجالـس مجالـي
وأخذت عنه من الشويـب تقاريـر=منيـف عنـه بكـل شـئٍ حكالـي
كنه يفرجنـي علـى فلـم تصويـر=يحيـر التفكيـر مـثـل الخيـالـي
من شأن ربعه صخر الصعب تصخير=خلا الجبـال دروب مثـل السهالـي
الشامخات اللـي بهـن للصقاقيـر=مصنع ولع لكـن عسيـر المنالـي
شمـر وفجرهـن باللغـام تفجيـر=من شأن تحقيق الهـدف والامالـي
خطٍ تعاقب بـه ضخـام المواطيـر=أعـز مطلـب للبـلـد والأهـالـي
وبنى العماير باهضـات المخاسيـر=وراحن هدايا مـا عقبهـن ريالـي
ومن يبذل المجهود في نيت الخيـر=يلقـاه عنـد الله عزيـز الجلالـي
تم الكلام وكـل مـا قلـت تعبيـر=عن ما طرى لي بالبيوت الجزالـي
غرايـبٍ مثـل الذهـب والدنانيـر=مكانهن في مستوى الشعـر عالـي
ون كان ما قـرو لهـن الشواعيـر=من نضمهن ريحت فكـري وبالـي
و أخيرا قصيدة الشاعر حمد بن هادي المسردي القحطاني في الجيمس :
راكب اللي يقرب البعد لا منـه زمـا=جمس شكمانين توه من امريكـا ورد
أدهم لا دق سلفـه وشغـل واحتمـا=كنـه يقـرا الله احـد والله الصمـد
كن حس بلوفه مناقشة حزب علمـا=يدرسون محاضراتٍ بجلسـاتٍ جـدد
فزته لا فـز كنـه بيصعـد للسمـا=مثـل حـر مطلقـاتٍ سبوقـه للهدد
كن فزيزه مرمي رمى لكن مـا رمـا=فزه المطفوق واخطاه وارتاع وشـرد
لا عطا حزم الجلد يرتكز عجه كمـا=قنف غرٍ مرزمة في مقاديمـه بـرد
بنهمه فجرٍ من العاصمة ثـم ابهمـا=خاصٍ ديرة هوى البال مركوز النهـد
الفطور شريق من بين شقرا وضرما=والغدا في حزم جاش بلا سابق وعد
لايمي في حب جاش واهل جاش يعما=جعل ماله فوق دنياه مـال ولا ولـد
و تقبلوا تحياتي ...
الســـــيارة بعد الذلول والفرس و ما قاله فيهما الشعراء
تبقى هناك قصائد جميلة و لم يعجز الشعراء الكبار عن وصف السيارات ولو فيها شيء من التكنولوجيا فقد عربوا السيارات و شبهوها بالخيول و غيره
وهذه الأبيات من وجهة نظري هي الأجمل عما قيل في السيارة ,, ولكل وجهة نظره ..
وأجزل ما قيل عن السيارة هي أبيات الشاعر الكبير بندر بن سرور بن خضير القسامي العتيبي عن ( الفرت ):
و هنا مقتطفات من قصائده عنها :
الا وا وجودي وجد من صك دونه بـاب=بقفـل اعجمـي مغلقـات مسامـيـره
عَدَو به على اللي كنه النسر بالمرقاب =على الجمس الأصفر كاملات شراشيـره
معه فرت خمسة طن ياخذ مية ركـاب=مـن المـال عيّـن ينقلنّـه تغايـيـره
دخل هو و حِمله للحكومة بغير حسـاب=و راعيه عشر سنين و يعـاد تقريـره
على اللي كواني كيّة العظم بالمشهـاب=على أقصى عراوِ القلب محمي مناشيره
عشيري ورا الكوده وانا من ورا مشعاب=بعيد قريب تعيـب يـا هـون تيسيـره
ولا يوصله كود " فرت " عليه اسطـاب=ليا حاسب السـوّاق تقـدح مواخيـره
صنايع بياطير الكفـر لابسيـن الكـاب=عصاة اليهود اللي مشاريبهـا البيـرة
و قوله
ألا يا نديبي فوق فرتٍ ورد من شـرق=على راس قيـره للعليمـي تعاشيقـه
من الوارد اللي جمركه عند راعي عرق=على المطرق مجبور ياخـذ قماريقـه
و قوله أيضا :
مـن بـلاد الشـام جينـا بالمكينـة=فـوق فـرتٍ مـا تخثـع بالطمانـي
يحتدي مثل الجمـل تسمـع رطينـه=مع طمـان القـاع مثـل الثعلبانـي
والشُفيـر مـن المـدارس مطلعينـه=عن ظـلام الليـل شـب الكهربانـي
كـل مـا جـاه تـل يلعـن والدينـه=. باليمين اللي علـى كـل اليمانـي
ما تجيه يسار رجلـه شـوف عينـه=غير يسـرى الطـار شـيٍّ بالامانـي
يوم قال له الخـوي عاشـت يدينـه=شد رجلـه للكمـك واحـد و ثانـي
يالله انك تنصـره مـن نصـر دينـه=إن عطى لـه مـع غبـا ولا بيانـي
قلت يالمطنوخ أنـا عينـي حزينـه=من شراب اللف أبيه و عنـك كانـي
قد رمى بالكيس قدمـي قـال وينـه=دوك ما بالجيب عـن شـيٍ لهانـي
قلـت ثالـث قـال يالله لا تهيـنـه=قلت خامس قال يطلـب نقـل ثانـي
قال واحد و الكمـك واسمـع حنينـه=كيف مـا ترضـى عليّـه بالهوانـي
قلت واحد و الكمـك ضـام المكينـة=قال لي مـن يرحـم القاسـي ليانـي
قلـت والله يرحمـونـه صانعيـنـه=قد زعلت من اللهيـب اللـي حدانـي
قال مـا ناثـق بمـن هـم متقنينـه=عن مشاور غير عرفـي قـد كفانـي
قاطع عرقيـن مـادري ويـن وينـه=قد وصلت الأرض و اسمع صوت ثاني
قلـت دوك اللـف خابـوا شاربينـه=غطّني عن شوف شـي مـا خفانـي
و قوله
راكب اللي مخ رجليه خنزير و هـوا=أشهب في مقدمه باقين و عكس تاج
متر في مترين مستبـرم كلـه سـوا=حايفه حطاب ما سمكره راعي الكراج
إن نعشته بالثلاثة مـع اللفـة عـوا=عوي ذيب محتدينه مربيـة النعـاج
ثابت ما يختلـف كلمـا لـف إنـزوا=و ارتفع ثم ارتخى مثل طايرة المراج
كن ضرب المرو في الويل قدام و ورا=ضرب هملول البرد و ان تقفاه العجاج
منوة اللي مشفقن لهله و لهـم نـوا=من بعد طول المسافة يبي فلّة الحجاج
و من أجمل ما قيل في هذا أيضا قصيدة الشاعر عبدالله بن زويبن الحربي :
الله على اللي نازحـات المشاويـر=جرد السهـال القاسيـة والرمالـي
يشوحهـا ويموحهـا بالتياسـيـر=شوح الرشا المبروم بيـن العيالـي
مـن جـم بيـر عمقـوه الحفافيـر=مسرمـدٍ تاريـخ عصـره هلالـي
عن ماه يقصر حد شوف النواظيـر=قليل واللـي مـن طـوال المدالـي
وردت عليه ضعون بدو ومضاهيـر=عطشا ولا فوقـه مقـام ومحالـي
وتخالفت بيـن الرجـال الأشاويـر=أحـد يبـى الميـراد وأحـدً يبالـي
وقـامٍ يجـرن الحريـر الغنـاديـر=ويبيـن أطـراف رمـز الجمـالـي
وتجاوبن بالصوت ويـن المناعيـر=وقامن يطشـن العبـي والشيالـي
وتـواردوه أثنيـن فيهـم عياطيـر=من صوتهن جاهم طرب وانفعالـي
وتلوه فوق وطيـروا فيـه تطييـر=حرفيـن ذرفيـن نشاطـن عجالـي
جيـبٍ يعـدي نايفـات الحماريـر=بالعرض يبجدهـن ويطلـع عدالـي
من مصنع توريد ما هـو بتصديـر=إلى مضى من فوق عمـر الليالـي
بديه آليا شفتـه يصيبـك بتخديـر=وكشنه آليا شفته يجيك أنداها لـي
مـن قبـل مطـور وزادوه تطويـر=لجـن الريـال يكـون المستحالـي
فكسار له في كـل دولـه جماهيـر=ما فيه هرجه لا كن السعـر غالـي
أبي آليا هاضت شجـون العصافيـر=وشع الصبـاح وجالهـن أجتوالـي
طلبت عـون الله والـي المقاديـر=ونحرتـه الصمـان ديـرة خوالـي
أهل بيوتن يـوم وقـت الخطاطيـر=يلقى بها الضيف القـرى والظلالـي
مثل الجبـال الشامخـات المقاطيـر=يامن بها اللي عن عوانيـه جالـي
وعلى السبايا ينطحـون المغاديـر=ويهاجمـون ويحتمـون التـوالـي
قـومٍ آليـا كـرو وفـرو مدابيـر=علـى المهـار مجـدلات الحبالـي
ارقابهـن للخلـف مثـل البواكيـر=أدبارهـم حرفـة وخطـة قتـالـي
ياما الحقن من قال تكفون يامطيـر=لوإ ن لاصوات الرصاص شتعالـي
أيدينهـم تـورد شبـات البواتيـر=ومتونهـم تدحـم ركـون الجبالـي
وعيونهم بالهوش توصف على الكير=لها بجمر السمـر مضـرب مثالـي
أن ساقـم العطفـة لقـومِ مناحيـر=عقب المعانـد واحتكـام الجدالـي
قدامهـم تصغـر كبـار الطوابيـر=ويصير فيهـا زعزعـه وانحلالـي
وأن جالهم دون العوانـي مناويـر=يـدون حتـى بالرسـن والعقالـي
أبـي خيـامٍ بالعمـد والتيـازيـر=مبنيتن للضيـوف سمـح القبالـي
مرفوعتٍ مثـل المـزون المزابيـر=ممسوستـن مفروشتـن بالزاوالـي
مفتوحتـن بيبانـهـا للمسايـيـر=وناره لها في كـل وقـت اشتعالـي
يردم عليهـا مـن كبـار الجثاميـر=سمر القرى ماهي مطـارق سيالـي
ونجرن آليا حرك تفجر تقـل زيـر=وبيض غريـبٍ شكلهـن بالدلالـي
وحيلـن يقلطهـن كرامـه وتقديـر=لبعـد بعيـد وللقريـب المـوالـي
الجود وكـرام الوجيـة المسافيـر=طبع الرجال اللـي يبـون الكمالـي
ما يقبلون النقص والنقص تقصيـر=لو العفـون تسمـي المـر حالـي
الجود صار بـدار والبخـل توفيـر=علـى هدفهـم ركبـوه احتيـالـي
المزن ما ينبـت زهـور ونواويـر=ولا يزي الضميان شـوف الخيالـي
ما ينبت المرعـى ولا ينفـع البيـر=أن كان ماصـب القـراح الزلالـي
الشيخ عامر دون نقصـان بالغيـر=أبن لويحق شيـخ شمـل الهجالـي
عند القبائل حجمه أكبر مـن النيـر=والفعل هو مقياس حجـم الرجالـي
ذكره شهير مع الرجـال المشاهيـر=دايـم لذكـره بالمجالـس مجالـي
وأخذت عنه من الشويـب تقاريـر=منيـف عنـه بكـل شـئٍ حكالـي
كنه يفرجنـي علـى فلـم تصويـر=يحيـر التفكيـر مـثـل الخيـالـي
من شأن ربعه صخر الصعب تصخير=خلا الجبـال دروب مثـل السهالـي
الشامخات اللـي بهـن للصقاقيـر=مصنع ولع لكـن عسيـر المنالـي
شمـر وفجرهـن باللغـام تفجيـر=من شأن تحقيق الهـدف والامالـي
خطٍ تعاقب بـه ضخـام المواطيـر=أعـز مطلـب للبـلـد والأهـالـي
وبنى العماير باهضـات المخاسيـر=وراحن هدايا مـا عقبهـن ريالـي
ومن يبذل المجهود في نيت الخيـر=يلقـاه عنـد الله عزيـز الجلالـي
تم الكلام وكـل مـا قلـت تعبيـر=عن ما طرى لي بالبيوت الجزالـي
غرايـبٍ مثـل الذهـب والدنانيـر=مكانهن في مستوى الشعـر عالـي
ون كان ما قـرو لهـن الشواعيـر=من نضمهن ريحت فكـري وبالـي
و أخيرا قصيدة الشاعر حمد بن هادي المسردي القحطاني في الجيمس :
راكب اللي يقرب البعد لا منـه زمـا=جمس شكمانين توه من امريكـا ورد
أدهم لا دق سلفـه وشغـل واحتمـا=كنـه يقـرا الله احـد والله الصمـد
كن حس بلوفه مناقشة حزب علمـا=يدرسون محاضراتٍ بجلسـاتٍ جـدد
فزته لا فـز كنـه بيصعـد للسمـا=مثـل حـر مطلقـاتٍ سبوقـه للهدد
كن فزيزه مرمي رمى لكن مـا رمـا=فزه المطفوق واخطاه وارتاع وشـرد
لا عطا حزم الجلد يرتكز عجه كمـا=قنف غرٍ مرزمة في مقاديمـه بـرد
بنهمه فجرٍ من العاصمة ثـم ابهمـا=خاصٍ ديرة هوى البال مركوز النهـد
الفطور شريق من بين شقرا وضرما=والغدا في حزم جاش بلا سابق وعد
لايمي في حب جاش واهل جاش يعما=جعل ماله فوق دنياه مـال ولا ولـد
و تقبلوا تحياتي ...