البارحة جفني عن النـوم مذهـول =طيـب المنـام ولذتـه ماحصللـي
اليا شتل عيني عن النـوم شاتـول =اخذت مع هاجـوس قلبـي تسلّـي
وليا عذل عيني عن السهر عـاذول =قلـت السهـر ياعاذلـي جايزنلّـي
مادام الي قلباً من الحـب مدهـول =ما اشوف في كثر العذل صالحنلـي
اتركني اتبع راحـت البـال واقـول =من ماتصور واحضـره هاجسنلّـي
خل القلم يكتب من القيـل معسـول =ابيع واشـري فيـه واخـذ وخلّـي
اخذ من اول صفوة الجيـل مزلـول = واترك حثـال الجيـل عنّـي يولّـي
عسى يعالج خاطـراً فيـه نشبـول =من ضيقته ضاق الفضـا والمحلّـي
كان العزيز يصيـح للحـب مذلـول =فانـا الذليـل ولاحــداً ذلّ ذلّــي
دايم وجيبي بـزرق الدمـع مبلـول =وحالي نحيلاً من الهـوى مستخلّـي
حالاً براه الهجر حـولاً ورى حـول =ياللي يتـوق لهجرالاحبـاب حلّـي
طفلاً طغى ماله بسوق الهـوى دول =بحلى صفات المحصنـات متحلّـي
راعي هدب عيناً بلا كحـل مكحـول =والبدر كنّـه فـي الجبيـن متجلّـي
ما احرزت اجيه ولايجي منه مرسول =بينـي وبينـه واحـداً واقفنـلـي
عليه قلبـي بيـن الاظـلاع متلـول =ودايم وهـو للبـال قبلـة مصلّـي
الشاعر الكبير / عبدالله بن عون

نادره من نوادر الشعر لله درك ابو نعمى على هذا الأختيار ...

كلمات رائعه وعذبة أهنئك
على هيك إنتقاء موفق وجميل
إستمتعت كثيرا بمعانقة حروفك الرائعه
لك ودي وإحترامي

الله الله صح السانك ياعبدالله وبيض الله وجهك ياالغالي
وصح السانك يابن عون والله يقويك ويعافيك
وباالتوفيق للجميع