خزنة الملحم ترثي زوجها سطام الطيار وابنها محمد

--------------------------------------------------------------------------------




البارحة جريـت بالصـدر ونـات =والنـوم عيّـا لا يهملـج قليلـه
يا عين لا تبكيـن كثـرة وقـلات =إبكي على اللي كاسبيـن النفيلـه
إبكي على سطام زبـن الونيّـات =يـا لولـب الحكّـام كـلٍ يجيلـه
إبكي العديم اللي مع الناس ما مات =مرباع وايـل بالسنيـن المحيلـه
إبكي ذعار الخيل وان صار شدات =زيزوم جيشه بالسنيـن الجليلـه
وابكي على محمد حصان المهمات =هو بيرق الفرسان وشهاب ليلـه
يا الله يا ناهض سبع السمـاوات =يا رافـع ٍ شـدّات مـن يلتجيلـه
تخلي لنـا واحـد ٍ فيـه هقـوات =سلطان نور العين تالـي السليلـه
يبني بيوت العز من عقب ما فـات =الله كريـم وكلـنـا نشتكيـلـه
عقب الرجال اهل الفعول القديمات =شيخان وايل من سنيـنٍ طويلـه
يجبر عزانا في عظيم المصيبـات =يوم المقدّر مـا لنـا فيـه حيلـه