والصفوف زيدوها

السماء غيمت والبرق في كل صوب= والاوادم تشوف البرق بعيونها
لوتتوب البشر وتكفر امن الذنوب= كان زادت رواتبها مثل شونها

السما غايمه والارض فيها هبوب = والبروق البعيده لاتخيلونها
السنون اضحكت والهرج نزف القلوب = واكثر الناس ضحتها من اسنونها

كان هبت شمال وكان هبت جنوب=ابتلشتوا بصاحيها ومجنونها

علمها عند ر ب ٍعالمٍ بالغيوب=والمزون ارعدت والناس يوحونها

من حطام الخريف انسج عمامه وثوب = واقطع الشجره ام الداب بغصونها
فيه عتمه مع المشرق وعتمة غروب = وش جرى فالصلاه اللي تصلونها

من حطام الخريف تضيعون الدروب= والحيايا لقينا السم بقرونها

لو تدور الليالي والحساب محسوب=ماتركنا رسالتها ومضمونها

متابعين وبالصف

متااابعين بعد إنقطاع لهذا البدع والرد لفتره وجيزه .. .:evil_lol:

انت مابان فجرك والشعاع امحجوب = والعيون اقسمت ماترخي اجفونها
السفينه على المرفا ولا لك ركوب = رفّت الذكريات وباح مكنونها

فجرنا شع نوره مايفيد الهروب= والعيون الوساع الناس يعمونها
حاجزاوكيه ماني فالحضور امغصوب=والرخيصة لها ناسٍ يجيبونها

بين قوسين في وهم الزمن لاتذوب = غرفة العاشقين السر بركونها
كل ماطاش عقل الطاغيه والغضوب = قلت رجليك درّجها على هونها