يا راسم الكـُـحل كافي بس تعميها=تكـحــّل الرمش والبؤبؤ بها مفطور
وتدّعي الحرص وانك كل ما فيها=يا صاح كافي وخليه الطبق مستور
تبدي عيوبك وتنسى ما تغطيها=وترد ذنبك على لعبه بها مغدور
حتى القوافي تقول انك مقفـّـيها=وتطرق ابواب مكتوب(ن)بها محضور
وتشعل النار وتسوي مطفيها=من حولها ماكر(ن) كنـّـك بها محرور
تدري التماسيح ويش الي مبكيها=صرخة ضحيه وهو بانيابها مشطور
وتدري ابشع حقاره في معانيها=انك تسوي الجريمه والسبب مجبور
في ثوب طفله عليها جرم عاديها=امست جنازه تشيــّـعها حمام الدور
في لحية الشيخ من دمه يحنيها=وجسمه الي ممزق لحمه الساطور
نعالك الي ملاها الدم ترميها=ووجهك الي بلونه شاحب(ن)مخمور
ترسم لنا الخوف في رجلين نجريها=ترسم معه سجن وتلفه بعالي سور
دار العروبه من اقصاها لدانيها=عجز بها راس يلبس جــُبة المنصور
غربة شوارع وغربه في حواريها=وكل معنى شرف فيها غدا مهدور
مراكب الصبر تاهت غن شواطيها=في بحر موجه علا كنه جبال الطور
تعبت احبس دموعي في مآقيها=برغم وجهي فضحني كثر ما مقهور
تعبت من روح في بكره اسليها=تعبت احلف لطول الليل قرب النور
من بعد قمه تربعنا بعاليها=ومجد في صدر تاريخن لنا مسطور
تعبت من آه في صدري اخبيها=تعبت اني اشوفك يالوطن مكسور


بقلم

اخوكم

ميلاد اليماني

نص يصرخ بصوت صاحبه ليسكت الضعف والذل ..
ابيات تحمل من الحكمه الكثير ومن الالم ما يفيض عن استطاعتك ...
قوه في التصوير المعاناه والالم وغضب يشعل النص أكثر واكثر
اسجل اعجابي بهذا القلم الرائع وهذه الاحترافيه الواضحه
كل الشكر لك شاعرننا القدير ميلاد اليماني على جميل الحرف وصدق التعبير..ابدعت
أحترامي وتقديري

نص بديع آخاذ

قوي رصين

وحبكة شاعر متمكن بلاشك

لله درك أخي ميلاد

ابيااات قيمة
كل الشكر لك

دمتم

واتشرف بحضوركم دائما

تحياتي